Марат Серікқазыұлы Өмірғалиев

Марат Серікқазыұлы Өмірғалиев 1973 жылы 14 қыркүйекте Семей қаласында туған. Қазақ.

Әкесі - Өмірғалиев Серікқазы Қабидоллаұлы, ҚР ІІМ зейнеткері. Анасы - Өмірғалиева Раиса Карповна, Семей қалалық №10 ОМ мұғалімі.

Шығыс Қазақстан мемлекеттік университетінің заң факультетін бітірген (1997), заңгер. «Орал өңірі» газетіндегі «Қазақстан Республикасындағы сот-сарапшылық қызметінің міндеттері мен алдағы мақсаттары» (2009), «Казахстанская правда» газетіндегі «Қазақстан Республикасындағы жол-келік оқиғаларын зерттеу және қайта қалыптау жағдайын талдау» (2010) мақалаларының авторы. Оның редакциялауымен ҚР ӘМ Соттық сараптау орталығының «Соттық сараптау ісі саласындағы халықаралық ынтымақтастық» халықаралық ғылыми-тәжірибелік мәслихаты» (2008), «Қазақстан Республикасы соттық сараптау ісінің даму келешегі» халықаралық деңгелек үстелі» (2009) жинақтары жарыққа шықты.

Қазақ, орыс және ағылшын (сөздікпен) тілдерін біледі. «Нұр Отан» ХДП мүшесі (2007 жылдан).

1992 жылдан - ҚазССҒЗИ Өскемен бөлімінің Семей секторында зерттеуші қызметіне сынақ мерзімінен өтуші. 1997 жылдан - Семей гарнизоны бойынша ҚР МТК ӘТБ тергеушісі. 1998 жылдан - Семей гарнизоны бойынша ҚР ІІМ ӘТБ жедел өкілі. 2001 жылдан - Павлодар гарнизоны бойынша ҚР ІІМ ӘТБ. 2002 жылдың ақпанынан ШҚО Өскемен қаласының БІІБ Үлбі ІІБ ПБ аға тергеушісі. 2002 жылдың қазанынан - ШҚО БІІБ Семей қаласының ІІБ аға тергеушісі. 2003 жылдан - ҚР Әділет министрлігінің «Сот сараптамасы орталығы» ҚБ сот сараптамасы ғылыми өндірістік лабораториясының бастығы (Семей қ.). 2007 жылдан бері - ҚР Әділет министрлігінің «Сот сараптамасы орталығы» ММ директорының орынбасары. ҚР әділет министрінің Алғысымен ескерілген (2010).

• Әділет капитаны.
• Діни көзқарасы - мұсылман.
• Саяси қайраткер ретіндегі идеалы - Н.Ә. Назарбаев.
• Қазақстанның болашағы туралы болжамы - «Қазақстан таяу келешекте тұрақты да қарышты экономикасы, сонымен қатар тұрғын халқының әрқайсысы жоғары кіріс иеленетін дамыған мемлекеттердің қатарында тұратын құқықтық мемлекетке айналады».
• Хоббиі - жеңіл атлетика, суда жүзу, бокс.
• Сүйіп оқитын әдебиеті - әлем халықтарының тарихы классикалық әдебиет, романдар.
• Үйленген. Жұбайы - Өмірғалиева Алла Мұратқзы (1975 жылы туған), «Х-Реаlсоmpani» ЖШС заңгері.
• Қызы - Өмірғалиева Маржан Маратқызы (1997 жылы туған);
• Ұлы - Өмірғалиев Арыстан Маратұлы (2008 жылы туған).