Мархабат Жайымбетұлы Жайымбетов

Мархабат Жайымбетұлы Жайымбетов (17 мамыр 1965 жыл, Қазалы ауданы, Қызылорда облысы) — қазақстандық мемлекеттік қайраткер, 2023 жылдан бері Қазақстан Мәжiлiсі VIII-сайланымының депутаты.

Мархабат Жайымбетов
Жайымбетов 2023 жылы
Лауазымы
Ту Қазақстан Мәжiлiсі VIII-сайланымының депутаты Ту
28 наурыз 2023 жылдан бастап
Президент	Қасым-Жомарт Тоқаев
Қызылорда қаласының әкімі
2010 — 2013
Президент	Нұрсұлтан Назарбаев
Ізашары	Мұрат Ергешбаев
Ізбасары	Нұрлыбек Нәлібаев
Өмірбаяны
Білімі	Волгоград мемлекеттік аграрлық университеті (1989) Қорқыт ата атындағы Қызылорда мемлекеттік университеті (2001)
Дүниеге келуі	17 мамыр 1965 (1965-05-17) (59 жас) Аранды ауылдық кеңесі, Қазалы ауданы, Қызыл-Орда облысы, Қазақ КСР, КСРО
Марапаттары	Құрмет ордені

Бұрын Жайымбетов Қызылорда қаласының (2010–2013), Арал ауданының (2013–2014) әкімі, Қазақстан Республикасы Президенті Әкімшілігінің мемлекеттік инспекторы (2014–2015) болған еді. 2015–2017 жылдары Қазақстан Ұлттық экономика министрлігінде бірнеше лауазым иеленді.

Хронологиясы

• Қызылорда политехникумының ауыл шаруашылығын электрлендіру факультетін (1984) техник-электрик мамандығы бойынша;
• Волгоград ауылшаруашылық институтының ауыл шаруашылық электрификациясы факультетін (1989) инженер-электрик мамандығы бойынша;
• Қорқыт ата атындағы Қызылорда мемлекеттік университетінің кәсіпорындағы экономика және басқару факультетін (2004) инженер-экономист мамандығы бойынша;
• ҚР Президенті жанындағы Мемлекеттік басқару академиясының біліктілік арттыру курстарын (2006) бітірген.
• «Қазақстан Республикасындағы мемлекеттік басқару» бағдарламасын тыңдаған,
• Аризона штатындағы Йорк университетінің экономика және менеджмент бойынша PhD докторы диплом-сертификатын иеленген (АҚШ, 2009).
• Қазақ, орыс және ағылшын (сөздікпен) тілдерін біледі.
• «Нұр Отан» ХДП мүшесі (2007 жылдан).
• 1989 жылдан - «Басагрожөндеумаш» жөндеу-механикалық зауытының №2 цех энергетигі,
• 1992 жылдан - энергия-механикалық учаске бастығы (Қызылорда қ.).
• 1993 жылдан - «Южнефтегаз» МАҚ Құмкел тереңдей пайдалану бұрғылап пайдалану экспедициясының (ҚТПБЭ) инженер-энергетигі,
• 1995 жылдан - электр жабдықтау және электр жабдығы цехының бастығы.
• 1997 жылдан - «Харрикейн Құмкөл Мұнай» ААҚ ҚТПБЭ бас энергетигі,
• 1998 жылдан - бұрғылау нысандары және күрделі жер асты жөндеуі жөніндегі бөлім бастығының орынбасары.
• 2000 жылдан - «Петро Қазақстан Қүмкөл Ресорсиз» ААҚ энергетика бөлімі мен өндірісті автоматтандыру цехының бастығы.
• 1997-2005 жылдары - «Қызылорда Агрореммаш» АҚ директорлар кеңесінің төрағасы.
• 2005 жылдан - «РМЗ-Шапағат» ЖАҚ директорлар кеңесінің төрағасы.
• 2005 жылдан - Қызылорда облысы бойынша ТЖ жөніндегі департамент бастығы.
• 2008 жылдан - Қызылорда облысы әкімінің орынбасары.
• 2010 жылдың маусымынан бері - Қызылорда қаласының әкімі.

Жетістіктері

• «Құрмет» орденімен (2007),
• «Қазақстан Республикасының тәуелсіздігіне 10 жыл» медалімен (2001) марапатталған.

Әскери атағы - аға лейтенант. Діни көзқарасы:

«Барлық діндер - қарапайым адами идеалдарды, бейбітшілік пен игілікті уағыздайтын мұсылман, христиан және басқа да діндер. Сол себепті Қазақстандағы барлық діндер адамдар арасындағы өзара түсіністікті, конфессиялық татулық пен қоғамдық келісімді әрі қарай нығайтуға септігін тигізеді. Мен - мұсылманмын, дәстүрлі исламды ұстанамын».

Саяси қайраткер ретіндегі идеалы:

«Қазақстанның бүгінгі жетістіктері шындығында Елбасының жетістіктері болып табылады. Нұрсұлтан Әбішүлы Назарбаев жаңа, табысты, дүние жүзі құрметтейтін мемлекет - Қазақстан Республикасының сәулетшісі болды. Ол ерік-жігерлі және дана ұлттық көшбасшы болып табылады. Оның қажымас қайраты, мақсатқа ұмытылысының арқасында Қазақстанда аса қажетті қайта құруларды жүргізу, саяси тұрақтылықты сақтау, әлеуметтік апаттардан аман қалу мүмкін болды. Елдің келешектегі өркендеуінің тұғырнамасы салынды. Президент Нұрсұлтан Назарбаев зор халықаралық беделге ие. Сол себепті менің идеалым - Президент».

Қазақстанның болашағы туралы болжамы - «Қазақстан-2030» бағдарламасында көрсетілген жолмен даму. Үйленген. Жұбайы - Ізтілеуова Мира Серікбайқызы (1965 жылы туған), үй шаруасында. Қыздары - Жайымбетова Гүлжайна (1993 жылы туған), Жайымбет Әйгерім (1999 жылы туған); ұлдары - Жайымбет Қанағат (1994 жылы туған), Жайымбет Шапағат (2005 жылы туған).