Мастава

Мастава (өзбек тағамы). Қой етін 20—25 грамнан турап қуырады да, оған жұқалап туралған пияз қосып, үстіне ұнтақталған қызыл бұрыш нен тұз салып, жақсылап қуырады. 5—7 минуттан кейін сәбіз бен текшелен туралған шалқан, жаңа піскен помидор (жіңішкелеп тілімден турап) немесе томат-пюре қосып, тағы да 10 минут қуырады. Мұнан соң үстіне сорпа (қой етінің сорпасын) құйып, қайна-тады да, жуып тазартылған күріш, майдалап туралған картоп қосады. Ыдыстың қақпағын жауып, бабымен пісіреді. Дастарқанға қоярда сорпаға қатық, ұнтақталған қызыл бұрыш, ұсақтап туралған көкөніс (көк пияз, базилик, кориандр) беріледі. 500 г қой етіне: 3 ас қасық тоң май, 3—4 түйір картоп, сәбіз, шалқан бір түйірден, І—2 бас пияз, күріш — бір жарым стакан, 3—4 помидор немесе 2 ас қасық томат-пюре, 1 стакан мөлшерінде қатық, тұз бен бұрыш — татымына қарай.