Махаббат туралы аңыз (фильм, 1954)

 Басқа мағыналар үшін Махаббат туралы аңыз (фильм, 1975) деген бетті қараңыз.

«Махаббат туралы аңыз әлде Қозы Көрпеш-Баян Сұлу» — толық метражды көркем фильм. 1954 ж. Алматы көркем және хроника фильмдер студиясы шығарған.

Махаббат туралы аңыз
Поэма о любви
Жанры	мелодрама, нақыл
Режиссёрі	Шәкен Айманов, Карл Гаккель
Сценарийдің авторы	Ғабит Мүсірепов
Басты рөлдерде	Шолпан Жандарбекова
Операторы	Михаил Аранышев
Композиторы	Сергей Шабельский
Кинокомпания	Қазақфильм
Мемлекет	КСРО
Тілі	орыс
Шыққан жылы	1954

Сюжеті

Фильмнің негізі байдың қызы мен кедей аңшының махаббаты туралы баяндайтын халық аңызынан алынған.

Жыр Сарыбай мен Қарабайдың аң аулап жүріп құда болып, Қозы мен Баянды күні бұрын атастыруынан басталады. Сол кезде аң аулап жүріп, ұлды болғанын естіген Сарыбай, баласын көре алмай қаза табады. Атастырылып қойған Қозы мен Баян, жүздерін көрмегенімен бір-біріне ғашық болады. Уақыт өте келе сараң Қарабай қызын жетім ұлға бергісі келмей, бір кезде отарын жұттан құтқарған, жергілікті палуан Қодарға ұзатпақшы болады. Қос ғашықтың арасына тосқауыл болған Қодар, айласын асырып, зұлымдықпен Қозының басын алады. Қайғыдан қабырғасы қайысқан Баян, өш алу үшін қулыққа көшеді. Ол Қодарға өзіне құдықтан су алып берсе, күйеуге шығатынын айтады. Алданған Қодар Баянның шашынан ұстап, құдықтың түбіне түсе бергенде, айлакер қыз бұрымын кесіп тастайды: Қодар түпсіз тұңғиыққа құлап қаза табады. Сөйтіп Қозының кегі қайтарылады. Батыр қыз ғашығының күмбезіне келіп, өзіне қанжар салып қол жұмсайды.

Рөлдерде

• Баян Сұлу — Шолпан Жандарбекова
• Қодар — Нұрмұқан Жантөрин
• Қарабай — Серке Қожамқұлов
• Мақпал — Сәбира Майқанова
• Күнекей — Рахия Қойшыбаева
• Жантық — Камал Қармысов
• Жарқын — Қалыбек Қуанышбаев
• Ұсақ — Асвад Хасанов