Мақбел (Мақпал) кварцит кен орны
Мақбел (Мақпал) кварцит кен орны - Жамбыл облысы Тұрар Рысқұлов ауданындағы Ақыртөбе темір жол станциясынан оңтүстікке қарай 15 км жерде. 1964-1967 жылдары барланған.
Геологиялық құрылымы, сипаты
өңдеуКен орны протерозой шөгінділерімен байланысты. Мақбел (Мақпал) кварцит кен орны төрт қабаттан құралған. Астыңғы қабатының қалыңдығы 35-40 м, үстіңгі екінші қабат қалыңдығы 24-70 м, үшінші қабат қалыңдығы 40-61 м, төртінші қабат қалыңдығы 42-95 м аралығында. Бұл қабаттар кварцит пен доломиттерден құралған.
Құрамы
өңдеуКварциттердің химиялық құрамы: SіO2 орташа мөлшері 95%, Al2O3 0,88 — 2,14%, Fe2O3 0,02 — 1,8%, CaO 0,10 — 1,33%, MgO 0,42 — 1,33%, P2O5 0,01 — 0,07%, V2O5 0,001 — 0,06%, SO3 0,01 — 0,04%. Мақбел кенінің кварциттері отқа төзімді материалдар және химия өнеркәсібінде флюс ретінде, Шымкент фосфор өңдеу зауытында температураны төмендететін қоспа ретінде пайдаланылады. [1]
Дереккөздер
өңдеу- ↑ «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VI том
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |