Мақтағали Әбдімәжитұлы Бектемісов

Мақтағали Әбдімәжитұлы Бектемісов (10.7.1963 жылы туған, Алматы облысы Ұйғыр ауданы Тегермен ауылы) – физика-математика ғылыми докторы (2006). ҚазМУ-ды (1985, қазіргі ҚазҰУ) және КСРО ғылым академиясының Сібір бөлімшесі Матем. институтының аспирантурасын (1990) бітірген. ҚазПИ-де инженер (1985, қазіргі ҚазҰПУ), стажер-зерттеуші (1985–1987), деканның орынбасары (1991–1992), аға оқытушы, доцент (1992–1997), декан (2002–2004) қызметтерін атқарды. 2005 жылдан оқу ісі жөніндегі проректоры. «Қисынды емес есептерді шешудің оңтайландыру әдістері» деген тақырыпта докт. дисс. қорғады. Оның ғыл. жұмысының негізгі бағыты – сандық алгоритмді талдау, элиптикалық, параболалық және гиперболалық типті теңдеулер үшін бастапқы-шекаралық пен кері есептерді шығару, сандық әдістер акустиканың практикалық есептерін шешу, геофизика. Бектемісов 80-нен астам ғыл. еңбектің авторы.