Мейрамбек Зинабдинұлы Шермағанбет

Мейрамбек Зинабдинұлы Шермағанбет - Қазалы ауданының әкімі. 1972 жылы 25 желтоқсанда Қызылорда облысы, Жаңақорған ауданының, Кеңес ауылында туған. Қазақ. Әкесі - Шермағанбетов Зинабдин, №3 мектеп-интернаттың директоры, №№239, 54 мектептерінің директоры; аудандық халыққа білім беру бөлімінің меңгерушісі, Қызылорда облысы Жаңақорған ауданы әкімінің орынбасары болған. Анасы - Сапабекова Зорегүл, зейнеткер, ағылшын тілінің мұғалімі, мектеп директоры болып жұмыс істеген. Қорқыт ата атындағы Қызылорда педагогикалық институтын (1994) тарих және қоғамтану пәндерінің мұғалімі мамандығы бойынша; Халықаралық қазақ-түрік университетін (2000) заңгер мамандығы бойынша; Қызылорда мемлекеттік университетін (2005) экономист мамандығы бойынша; Ресей Федерациясы Президенті жанындағы Ресей мемлекеттік қызметінің біліктілік арттыру курсын (Мәскеу қ., 2006); Экономика және саясаттану мектебін (Лондон қ., 2007) бітірген. Педагогика ғылымдарыныңкандидаты (2010). Кандидаттық диссертациясының тақырыбы: «Ақпараттық технологиялар нөгізінде білім сапасын басқару». Білім беру мәселелері туралы мақалалардың авторы. «Үлгірім» автоматтандырылған жүйесі» электронды бағдарламасына авторлық құқығы бар (2009). Қазақ, орыс және ағылшын (сөздікпен) тілдерін біледі. «Нұр Отан» ХДП мүшесі.

• 1994 жылдан - №239 ОМ мұғалімі (Қызылорда облысы Жаңақорған ауданының Кеңес ауылы).
• 1995 жылдан - №163 ОМ мұғалімі, директорының орынбасары (Қызылорда облысының Жаңақорған ауданы).
• 2000 жылдың сәуірінен - Қызылорда облысы Жаңақорған ауданы әкімі аппаратының жетекшісі - ұйымдастыру-кадр жұмысы бөлімінің меңгерушісі.
• 2001 жылдан - Қызылорда облысы Жаңақорған ауданының әкімі аппаратының жетекшісі.
• 2005 жылдан - Қызылорда облысының әкімі аппараты жетекшісінің орынбасары.
• 2007 жылдан - Қызылорда облыстық Білім бөру департаментінің директоры.
• 2009 жылдың маусымынан бері - Қызылорда облыстық Тілдерді дамыту басқармасының бастығы. Ы. Алтынсарин атындағы медалімен (2010) марапатталған. ҚР Президентінің Алғыс хатымен ескерілген (2001). Қазақстанның болашағы туралы болжамы - «Келешекте Қазақстан әлемнің дамыған 50 елінің қатарына қосылады».

Хоббиі - кітап оқу, футбол.
Сүйіп оқитын әдебиеті - тарихи әдебиет.

Үйленген. Жұбайы - Жарылқағанова Гүлнәр Боранбайқызы, экономист-бухгалтер. Қыздары - Шермағанбет Әзиза Мейрамбекқызы (1995 жылы туған), қазақ-түрік лицейінің оқушысы; Зинабдин Елдана Мейрамбекқызы (1998 жылы туған), оқушы; ұлы - Зинабдин Бакдәулет Мейрамбекұлы (2005 жылы туған).