Мелиорациялық су шаруашылығы құрылыстары

Мелиорациялық су шаруашылығы құрылыстары — шөл және шөлейт, сазды аудандарда ауыл шаруашылығын өркендету мақсатында табиғи жағдайларды жақсарту үшін әр түрлі гидротехникалық құрылыстар салу мен жер құрғату жүйесін жасау, суландыру каналдарын қазу жұмыстары. Өзендер мен ирригациялық желілердегі мелиорациялық құрылыс механикалық құралдар мен машиналар арқылы салынады. Мелиорациялық құрылыстардағы негізгі жұмыстары — топырақ қазу мен бетондау. Топырақ қазу жұмыстары — экскаватормен, бульдозермен, ор қазғыштармен, топырақ атқыш машиналармен және т.б. қазу арқылы жүргізіледі. Суландырылатын жер көлемі грейдермен, скреперлермен және т.б. көлік, техника түрлерінің (тасымалдауыш, жүкті өзі әкеп төккіш машиналар мен поездар бөгет немесе бөгендер және т.б.) көмегімен өнделінеді.