Мирошниченко Леонид Александрович

Мирошниченко Леонид Александрович (1927 жылы 27 мамырда , Ресей, Алтай өлкесі, Павлов ауд. Стуково ауылында дүниеге келген ) – геология-минералогия ғылымдарының докторы (1990), профессор (1991). Қазақстан Республикасының құрметті кен барлаушысы (2009). Қазақ тау-кен және металлургия институтын (1948, қазіргі Қазақ ұлттық техникалық университеті) бітірген. 1948 жылдан Қазақстан Ғылым Академиясының Геология ғылымдар институтында қызмет атқарған. «Металлогенические формации палезоид Казахстана» тақырыбында докторантуралық диссертация қорғаған. Орталық Қазақстандағы Қотпар вольфрам және молибден кен орнын ашқан. 1:2500000 масштабты Қазақстанның минерагениялық картасын жасауға қатысқан (2002). Негізгі ғылыми еңбектері минерогения және пайдалы қазбалар орнын іздеу мен барлауға арналған. 250-ден аса ғылыми жарияланымның, оның ішінде 10 монографияның авторы.

Марапаттары

• КСРО Мемлекеттік сыйлықтың лауреаты (1985);
• ҚР Мемлекеттік сыйлықтың лауреаты (2009);
• Қ.И.Сәтбаев атындағы сыйлықтың лауреаты (2002);

Сілтемелер

• Қазақ ұлттық университеті
• Геология-минералогия