Михаил Васильевич Исаковский

Михаил Васильевич Исаковский (19 қаңтар 1900(19000119), қазіргі Смоленск облысы, Восход ауданы, - 20 шілде 1973 Мәскеу) - орыс кеңес ақыны. Социалистік Еңбек Ері (1970). 1918 жылдан КОКП мүшесі.

Михаил Васильевич Исаковский
[[Сурет:
100 жылдығына орайғы пошта маркасы
|220px]]
Туған күні

19 қаңтар 1900 (1900-01-19)

Туған жері

Глотовка, Смоленск губерниясы, Ресей империясы

Қайтыс болған күні

20 шілде 1973 (1973-07-20) (73 жас)

Қайтыс болған жері

Мәскеу

Азаматтығы

 КСРО

Мансабы

ақын, прозаик

Бағыты

социалистік реализм

Жанры

өлең, ән

Шығармалардың тілі

орысша

Кедей шаруа отбасында туған. Исаковскийдың өлеңдері 1914 жылдан жариялана бастады. 1921 жылы Смоленскіде шағын үш кітабы басылды. Әйтседе Исаковский өзінің шығармашылық қызметінің басталу кезін "Бақташы бала" атты өлеңдері жарияланған 1924 жылдан бастап есептейді. Исаковскийдің Москвада басылған "Сабандағы сымдар" (1927) жинағын А.М.Горький жоғары бағалады. Оның "Түкпір өлке" (1930), "Дихандар" (1931), "Төрт тілек" (1936) атты жинақтарында шаруалар өміріндегі жаңа тұрмыс көріністері суреттеледі. Отан соғысы жылдары Исаковский патриоттық өлеңдер жазды. "Орыс әйеліне", "Ресей туралы сөз" т.б. Исаковскийдің поэзия туралы мақалалары мен хаттары "Ақын, өлең және ән туралы" (1968, 1972) деген атпен жинақ болып жарияланды. Соңғы кезде "Ельнинск жерінде" атты өмірбаяндық шығармасын жазды. Исаковский "Катюша", "Қоштасу" т.б. таңдаулы ән мәтіндері үшін (1943), "Өлеңдер және әндер" жинағы үшін (1949) 2 рет КСРО Мемлекет сыйлығын алды. 4 рет Ленин орденімен және басқа ордендермен, медальдармен марапатталған.

Шығармалары өңдеу

"Подпаски", "Родное" (1927), "Провода в соломе", "Провинция" (1930), "Мастера земли" (1931), "Четыре желание" (1936), "Катюша", "И кто его знает", "В прифронтовом лесу", "Огонек", "Ой, туманы мои...", "Враги сожгли родную хату", "Снова замерло все до рассвета", "Летят перелетные птицы" және т.б.өлеңдер.[1]

Дереккөздер өңдеу

  1. Ілияс Жансүгіров: Энциклопедия. Алматы . «Кітап» баспасы 2019. 78-бет.