Михаил Гиясович Фаязов

Михаил (Мамашариф) Гиясович Фаязов (15 маусым 1925, Тараз қаласы — 30 қазан 1990, Наманған облысы) — 2-дүниежүзілік соғыстың қатысушысы, гвардия лейтенанты, взвод командирі. Өзбек ұлтынан шыққан. Орта мектепті бітіргеннен соң малдәрігерлік техникумда оқыды. Кеңес әскері қатарына 1943 жылы Жамбыл (қазіргі Тараз қаласы) ауданы әскери комиссариатынан шақырылды. 1944 жылы Ташкенттегі кіші лейтенаттар дайындайтын училищенің жеделдетілген курсын бітірді. 175-гвардиялық атқыштар полкінің (5-гвардиялық армияның 58-гвардиялық атқыштар дивизиясы) взвод командирі Фаязов 1945 жылдың 23 қаңтарында Одер өзенінен өту кезінде ерлікпен көзге түсті. Бұл кезде ротаны басқарған Фаязов өзеннен өтіп, арғы жағалауға плацдарм құрып, одан әрі жаудың штабы орналасқан екі елді мекенді басып алды. Неміс-фашист басқыншыларымен болған ұрыстарда көрсеткен ерліктері мен батылдығы үшін Фаязовқа КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (27.06.1945). Соғыстан кейін бірнеше жыл Кеңес әскері қатарында болды. 1948 жылы аға лейтенант Фаязов запасқа шықты. Ташкенттегі Жоғары партия мектебін бітірді. Отставкадан кейін майор Фаязов Өзбекстандағы Наманған облысы Чует қаласында тұрып еңбек етті. Ол сондай-ақ Ленин, Қызыл Ту, 1-дәрежелі Отан соғысы ордендерімен және медальдармен марапатталған.

Михаил (Мамашариф) Гиясович Фаязов
өзб. Mixail (Mamasharif) Gʻiyosovich Fayozov
Туған күні	15 маусым 1925 (1925-06-15)
Туған жері	Тараз, Қазақстан
Қайтыс болған күні	30 қазан 1990 (1990-10-30) (65 жас)
Қайтыс болған жері	Наманған облысы, Өзбек КСР, КСРО
Мемлекет	КСРО
Әскер түрі	жаяу әскер
Қызмет еткен жылдары	1943—1948
Атағы	майор
Шайқасы	Ұлы Отан соғысы
Марапаттары