Михаил Степанович Сальников

Михаил Степанович Сальников(21.11.1919, Украина, Севастополь қаласы - 12.04.1978, Ленинград қаласы (қазіргі Санкт-Петербург) - 2-дүниежүзілік соғысқа қатысушы, старшина, танктің механик-жүргізушісі. Кеңес әскері катарына 1937 жылы Қостанай облысы,Әулиекөл ауданы,әскери комиссариатынан шақырылды. 1939-40 жылы Кеңес- фин соғысында болды. Ұлы Отан соғысына 1941 жылдың маусым айынан қатысқан. 152-танк бригадасының танк жүргізуші-механигі старшина Сальников Тарту қаласының (Эстония) солтүстігіндегі жау қорғанысының бекінісін өз эшелонымен бұзып өтті. Шайқаста дұшпанның әскери техникасына үлкен шығын (танкіге қарсы ататын мылтық, 4 автокөлігі және 2 БТР, 4 дзот) келтірді және ондаған әскер мен офицерлерін жойды. Осы ерлігі үшін КСРО Жоғарғы Кеңесі Торалқасының Жарлығымен Сальниковқа Кеңес Одағының Батыры атағы берілді (24.3.1945). 1947 жылы әскерден оралып, Ленинградта (қазіргі Санкт-Петербург) тұрды.