Мужмәл Әт-таварих Ва-л-қисса

«Мужмәл Әт-таварих Ва-л-қисса», әңгімелер мен тарих жинағы. Ортағасырлық белгісіз автордың шығармасы. Парсы тілінде 1126 ж. жазылған. Оған мұсылман әулеттері, көне парсы патшаларының тарихы туралы қызықты мағлұматтар енген. Түрік халықтарына байланысты құнды мәліметтер жинақталған. Түрік тайпаларының шығу тегі, билеушілерінің лақаптары (титулы): жікіл «тексин», яғма-боғрахан т.б. туралы баяндалады. Шығармада Жетісу аймағына, Шу мен Талас өңіріне байланысты деректер келтіріледі.