Музыка Қоғамдары

Музыка Қоғамдары - музыка мәдениетін тарату, насихаттау, музыка өнерінің жеке түрлерін зерттеу мақсатымен құрылған кәсіби музыканттардың және музыка әуесқойларыиың бірлестігі. Музыка Қоғамдарының ұлттық, халықаралық түрлері болады, олар ішінара орындаушылық, ғылыми және ағартушылық болып бөлінеді. Алғашқы Музыка Қоғамдары 16 ғ-да Италияда пайда болды. Олар көпшілік алдында музыкалық шығармаларды орындау ісімен шүғылданды. Музыка Қоғамдары 19 ғ-да әсіресе Германияда кең өрістеген. Ресейде кәсіби музыканттардың алғашқы ірі қоғамы 1802 ж. құрылған Санкт-Петербург филармониялық қоғамы болды. Бұдан кейін осы қалада 1872 ж. "Музыка клубы" деген атпен музыка қоғамы ұйымдастырылды. ТМД елдерінде Бүкілукраиндық музыка қоғамы (1921 - 1928), КСРО Композиторлар одағы (1932), Бүкілресейлік хор қоғамы (1957), сондай-ақ, Қазақстанда Композиторлар одағы (1939) және Музыка қайраткерлерінің одағы (1989) ұйымдасты.