Мырзабек Бекболатұлы Сүйімбаев

Мырзабек Бекболатұлы Сүйімбаев - 1953 жылы 20 қаңтарда Шымкент облысы Түлкібас ауданының Түлкібас стансасында туған. Қазақ. Әкесі - Сүйімбаев Бекболат (1910-1974). Анасы - Сүйімбаева Үрхатан (1914-2001). Жамбыл қаласындағы №88 қалалық кәсіби-техникалық училищені (1972); Алматы теміржол техникумының темір жолдарды пайдалану факультетін (1985) техник-пайдаланушы мамандығы бойынша бітірген. «Нұр Отан» ХДП мүшесі (2003 жылдан). 1969 жылдан - Жамбыл қаласындағы №88 қалалық кәсіби-техникалық училищесінің студенті. 1972 жылдың шілде айынан - Павлодар стансасының локомотив депосында тепловоз машинисінің көмекшісі. 1972 жылдың қараша айынан - Кеңес Әскерінің қатарында қызметте. 1975 жылдың қаңтар айынан - Шымкент фосфор зауытында локомотивтерді тексеріп қарау жөніндегі слесарь. 1975 жылдың шілде айынан - Түлкібас консерві зауытының жүк тасушысы. 1975 жылдың қыркүйек айынан - Түлкібас астық қабылдау пунктінің слесарі. 1976 жылдың тамыз айынан - «Көлікауылшаруашылығытехникум» Түлкібас көлік кәсіпорнының 3-ші сыныпты жүргізушісі. 1977 жылдан - Түлкібас стансасы слесарі, машинистің көмекшісі, айналым депосының кезекшісі. 1979 жылдан - Алматы темір жолының Түлкібас стансасында аға билет кассирі, орталықтандыру постының операторы, станса кезекшісі, станса бастығының орынбасары. 1987 жылдың қараша айынан бері - Қызылсай стансасының бастығы. «Ерен еңбегі үшін» (2004), «Қазақстан темір жолына 100 жыл» (2006) медальдарымен марапатталған. Құрметті теміржолшы (2002). Әскери атағы - запастағы сержант. Діни көзқарасы - ислам. Саяси қайраткер ретіндегі идеалы - Н.Ә. Назарбаев. Қазақстанның болашағы туралы болжамы - «Көпұлтты, өркендеген Қазақстан». Хоббиі - спорт, баскетбол, бокс. Сүйіп оқитын әдебиеті - Қазақстанның тарихы жайлы көне кітаптар. Үйленген.Жұбайы-СүйімбаеваРозаӘбішқызы (1955 ж. т.), зейнеткер. Ұлы - Сүйімбаев Нұрсұлтан Мырзаұлы (2002 ж. т.); қыздары - Сүйімбаева Жанар Мырзақызы (1977 ж. т.), Сүйімбаева Майра Мырзақызы (1978 ж. т.), Сүйімбаева Қалдан Мырзақызы (1981 ж. т.), Сүйімбаева Индира Мырзақызы (1987 ж. т.).