Мұратбек Тауфихұлы Жоламан
Мұратбек Тауфиқұлы Жоламанов (13.10.1966, Жымпиты ауданы, Жосалы ауылы — 28.4.2000, Орал қаласы) - суретші. 1985-1988 ж. Ақтөбе мәдени-ағарту училищесінің көркемсурет-безендіру бөлімінде оқыған. Алматы көркемсурет училищесінің живопись бөлімін үздік бітірген (1990). 1991 ж. Сырым Датұлының 250 жылдық мерейтойына орай Алматы қаласында өткен республикалық конкурста «Сырым батыр» атты портреті жүлделі орын алды. 1991-1996 ж. Алматы театр, кино және көркемсурет институтында оқып бітірген. «Хан көтеру» атты дипломдық жұмысы ең үздік картина ретінде бағаланып, сол институттың қорында, ал өзі сонда қызметке қалдырылған. Жоламанов институт жанынан Қазақстан жас суретшілер ұйымын құруға жетекшілік етті. Көптеген сурет көрмелеріне қатысқан. Денсаулығына байланысты 1997 ж. туған жері Батыс Қазақстан облысы, Орал қаласына қайтып келеді. Тұңғыш жеке көрмесі 1999 ж. Орал қаласында өтті. Жоламановтың артында «Құлагер», «Рух шақыру», «Еділ-Жайық», «Күлтегін мен Білге туралы жыр»,«Сарын», «Қазанат», «Тұмар», «Қорқыттың теңізге келуі», «Керей-Жәнібек», «Жаман ырым немесе қағанатгың құлауы», «Қызғыш құс», «Жекпе-жек», «Аттиланың елесі», т.б. картиналары қалды.[1]
| Мұратбек Тауфиқұлы Жоламанов | |
|---|---|
| Дүниеге келгені: |
13.10.1966 Жымпиты ауданы, Жосалы ауылы |
| Қайтыс болғаны: |
28.4.2000 Орал қаласы |
| Мансабы: | суретші |
Дереккөздер
өңдеу- ↑ Батыс Қазақстан облысы. Энциклопедия. — Алматы: «Арыс» баспасы, 2002 ISBN 9965-607-02-8
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — тұлға туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |