Мұрат Амангелдіұлы Мансұров

Мұрат Амангелдіұлы Мансұров (7.05.1963, Қарағанды облысы Егіндібұлақ ауылында туған) - мүсінші. Қазақ. ҚР Көркемөнер академиясының толық мүшесі (2006 жылдан).

Ата-анасы

Әкесі - Амангелді Мансұрұлы Ыбраев, марқым, профессор, математик. Анасы - Жанғалиева Мария, зейнеткер, оқытушы, ҚР ҒА ҒЗИ қызметкері болған.

Білімі

• Н.В. Гоголь атындағы Алматы көркемсурет училищесін (1983) мүсінші мамандығы бойынша;
• В.И. Мухина атындағы Ленинград жоғары көркемсурет-өнеркәсіптік училищесін (1991) «Монументалды мүсін» мамандығы бойынша үздік бітірген.

Шығармалары

• «Тәуелсіздік монументін» (Алматы қаласы, 1997),
• ҚР қаржы министрлігі ғимараты алдындағы жаңа алаңдағы «Өмір ағашы» мүсіндік композицияны (2000),
• «Қазақ елі» монументін (Астана қаласы, 2009) - жасаушы авторлық ұжымның қатынасушысы;
• «Қазақ хандығын қалаушы Керей мен Жәнібекке» - монументін жасаушы авторлық ұжымның жетекшісі (Астана қаласы, 2010).
• ҚР Жоғарғы Сот ғимаратының жанындағы «Сот әділдігі монументінің» (1998),
• ҚазМЗУ ғимаратының жанындағы «Фемида» мүсінінің (Алматы қаласы, 2001),
• Бас прокуратура ғимаратыныңалыдындағы «Барыстар» мүсінінің (Астана қаласы, 2002),
• Оқушылар сарайына арналған Махамбет Өтемісұлы мүсіндік бюсінің (Астана қаласы, 2004),
• «Думан» сауық кешенінің ықшам сәулет-сәндік пішіндер мен мүсінінің (Астана қаласы, 2005),
• «Арай» паркіндегі ықшам сәулет пішіндер мен 16 жауынгердің мүсінінің (Астана қаласы, 2007),
• Жаңа көпірдегі «Арқарлар» мүсінінің (Астана қаласы, 2007),
• «Фемида» ҚазМЗУ жаңа ғимаратының алдындағы мүсіннің (Астана қаласы, 2008),
• «Астана-Бурабай» сәулеттік композицияның (2009),
• ҚР Еңбек сіңірген бапкері, Қазақ футболының негізін салған А.В. Хохманның барельефінің (2010) авторы.
• «Арай» ¥лттық мейрамханалық кешенінің алдында 1-ші кинетикалық (қозғалатын) мүсін орнатқан (Астана қаласы, 2008).
• «Джунгли» сауық кешенінің интерьерлерін сәнді безендірудің (Астана қаласы., 2006);
• Қуғын-сүргін және тоталитаризм құрбандары мұражайының (Ақмола облысы Ақмол ауданы, 2007) әзірлеушісі әрі орындаушысы.

Көрмелерде

Республикалық және халықаралық көрмелердің қатысушысы. Жұмыстары АҚШ, Израиль, Германия, Голландия мемлекеттерінің жеке коллекцияларында сақталуда.

Еңбек жолы

• 1996 жылдан - ҚР Көркемсурет қорының бас суретшісі.
• 2003-2007 жылдары - Л.Н. Гумилев атындағы Еуразия ұлттық университетінің «Сәулет және дизайн» кафедрасының аға оқытушысы.
• 2010 жылдан бөрі - «Астана қаласы Сәулет және қала салушылық басқармасы» MM «Көркесуретті құю комбинаты» МҚК директорының бірінші орынбасары.

Ұйымдастырушылық қызметі

• «Мүсіндер паркі» Халықаралық жаңа астанаға арналған мүсін бойынша симозиумнің (Астана қаласы, 1998);
• Түркістанның 1500 жылдығына арналған мүсін бойынша симпозиумнің (1999);
• «Өнеркәсіптік мүсін және шағын сәулет пішіндері» 1-ші Республикалық симпозиумның (Астана қаласы, 2003),
• Халықаралық мүсін бойынша симпозиумнің (Павлодар қаласы, 2003),
• әлем деңгейіндегі өнертанушылар, тәлімгерлер мен мүсіншілердің тартылуымен 1-ші Халықаралық мүсін бойынша конференцияның (Астана қаласы, 2006) ұйымдастырушысы.

Қоғамдық жұмысы

• Астана қаласы ҚР Көркемөнер академиясының филиал директоры;
• ҚР Суретшілер одағының мүшесі (1992 жылдан),
• ҚР Дизайнерлер одағының мүшесі (1994 жылдан).
• ҚР ескерткіштер мен монументтерді қабылдау ҚР Мемлекеттік комиссиясының (2008),
• Қалалық көркем кеңесінің (Астана қаласы, 2010), Астана қаласы Суретшілер одағы басқармасының (2010 жылдан) мүшесі.

Марапаттары

• «Шабыт» фестивалінің лауреаты (1998).
• «Астана» медалімен (1998),
• ҚР Көркемөнер академиясының алтын медалімен (2007) марапатталған.
• ҚР Президенттік стипендияның иегері (1997).

Отбасы

• Үйленген. Жұбайы - Қализатова Айман Серікбайқызы (1972 жылы туған), медицина ғылымдарының кандидаты, Астана қаласы Медициналық университетінде қызмет істейді.
• Қыздары - Мансұрова Әсел Мұратқызы (1987 жылы туған), Мәнсұрова Әнел Мұратқызы (1993 жылы туған), Мансұрова Меруерт Мұратқызы (2000 жылы туған);
• Ұлдары - Мансұров Мақсұт Мұратұлы (2003 жылы туған), Мансұров Арлан Мұратұлы (2005 жылы туған).