Мұхтар Қапашұлы Алтынбаев

	Мұхтар Қапашұлы Алтынбаев;
Лауазымы
10 қаңтар 2007 — 11 наурыз 2010
Президент	Нұрсұлтан Назарбаев
Ізашары	Болат Дарбеков
Ізбасары	Сәкен Жасұзақов
8 желтоқсан 2001 — 8 қаңтар 2007
Ізашары	Сәт Тоқпақбаев
Ізбасары	Даниал Ахметов
30 қазан 1996 — 9 тамыз 1999
Ізашары	Әлібек Қасымов
Ізбасары	Бақытжан Ертаев; міндеттерді атқарушы
Өмірбаяны
Білімі	Кеңес Одағының Маршалы Г.К.Жуков атындағы Аэроғарыштық қорғаныс Әскери академиясы
Дүниеге келуі	10 желтоқсан 1945 (78 жас); Қарағанды, Қазақ КСР
Жұбайы	Гүлбану Рахимбайқызы Алтынбаева
Балалары	Мүслім Мұхтарұлы Алтынбаев
Әскери қызметі
Қызмет еткен жылдары	1969 жылдан бастап
Әскер түрі	Әскери-әуе күштері
Атағы	Армия генералы
Басқарды	Қазақстан Республикасының Әскери-әуе күштері
	Халық қаһарманы
	1 дәрежелі Барыс ордені
Мұхтар Қапашұлы Алтынбаев Ортаққорда
	өңдеу

Мұхтар Қапашұлы Алтынбаев (10 желтоқсан, 1945, Қарағанды) — Қазақстан Республикасы Парламенті Сенатының депутаты, армия генералы.^[1]

Қысқаша өмірбаяны

1945 ж. 10 желтоқсанда Қарағанды қаласында туған. Қазақ.
1977 ж. — Армавир жоғары әскери ұшқыштар ӘШҚ училищесін бітірді.
1985 ж. — Кеңестер Одағының Маршалы Г.К. Жуков атындағы ӘШҚ Әскери командалық академиясын бітірді. Саяси ғылымдарының кандидаты.
Еңбек жолын Қарағанды қаласының шахталарында бастады.
1962 ж. қыркүйегінен 1966 ж. қазанына дейін жұмысшы, шахта қазушысы.
1964 ж. өндіріс пен оқудан қол үзбестен ұшқыштар даярлау жөніндегі Қарағанды авиациялық орталығын бітірді.
1965 жылдың желтоқсанынан ААФЖЕҚ Кинель-Черкасск авиациялық оқу-жаттығу орталығының курсант-ұшқышы. Әскери қызметке қабылданғаннан кейін әр түрлі жауапты басшылық лауазымдарда қызмет атқарды.
1972—1975 жж. — авиациялық буынның командирі, авиациялық эскадрилья командирі, истребитель авиациясы полкі командирінің ұшу дайындығы жөніндегі орынбасары.
1979 ж. желтоқсанында Уральск әскери округінің истребитель авиациясы полкінің командирі болады. М.Алтынбаевтың қолбасшылығы кезеңінде полкте бір де бір оқыс ұшу оқиғалары болған жоқ және еліміздің Әуе шабуылына қарсы қорғаныс әскерлері арасындағы ең үздігі атанды.
1982 ж. тамызынан — Кеңестер Одағының Маршалы Г.К. Жуков атындағы ӘШҚ Әскери командалық академиясының тыңдаушысы.
1985—1988 жж. — дивизия командирінің орынбасары, Түркістан әскери округінің әуе шабуылына қарсы қорғаныс дивизиясының командирі.
1992 ж. ақпанында Түркістан әскери округінің әуе шабуылына қарсы қорғаныс корпусының командирі болып тағайындалды.
Қазақстан Республикасы тәуелсіздік алғаннан кейін Мұхтар Қапашұлы өз Отанына оралады және Қазақстан Республикасының Президенті Н.Ә. Назарбаевтың Жарлығына сәйкес құрылған егеменді мемлекеттің Қарулы Күштерінің қалыптасуына белсене қатысады.
1992 ж. мамырында ӘШҚ әскерлерінің қолбасшысы — Қазақстан Республикасы Қорғаныс министрінің орынбасары болып тағайындалды.
1993 ж. қарашасынан Әскери-әуе күштерінің қолбасшысы — Қазақстан Республикасы Қорғаныс министрінің орынбасары.
1994 ж. қыркүйегінен ҚР әскери-әуе күштерінің қолбасшысы.
1996 ж. қазанынан — Қазақстан Республикасының Қорғаныс министрі.
2000 ж. наурызынан — Қазақстан Республикасы Әуе қорғанысы күштерінің қолбасшысы.
2001 ж. желтоқсанында Қазақстан Республикасының Қорғаныс министрі болып тағайындалды.
2007 ж. қаңтар-2010 ж. 11 наурыз аралығында — Штаб бастықтары комитетінің төрағасы — Қазақстан Республикасы Қорғаныс министрінің бірінші орынбасары.
2010 ж. 8 сәуірден - Қазақстан Республикасы Парламенті Сенатының депутаты.

Марапаттары

Орденмен және көптеген медальдармен марапатталған.
Ұшқыш-мерген. Жетілдірілген соңғы МиГ және Су тектес истребительдердің қазіргі заманғы барлық түрлерін шектеусіз басқаруға рұқсаты бар.
АҚШ авиациялық базаларының бірінде атақты америка F-16 жойғыш ұшағымен ұшу өнерін көрсеткен жаңа тәуелсіз мемлекеттердің тұңғыш ұшқышы болып табылады. Осыған орай америка мамандары М.Алтынбаевтың кәсіби шеберлігіне жоғары баға берді.
Қазақстан Республикасы Президентінің 2006 ж. мамырдың 6-ында № 112 Жарлығымен «Халық қаһарманы» атағы берілді және «Халық Қаһарманы» Алтын жұлдызы мен «Отан» ордені табыс етілді.^[2]

Әскери атағы

Әскери атағы - армия генералы. Әскери ұшқыш-мерген.^[3]

Отбасы

Үйленген. Жұбайы — Алтынбаева Гүлбану Рахымбайқызы.
Ұлы — Мүслім Мұхтарұлы Алтынбаев, әскери қызметші.

Дереккөздер

↑ Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011 жыл. - 880 бет.ISBN 9965-893-73-Х
↑ Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5
↑ Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2

[1] Айбын. Энциклопедия. / Бас ред. Б.Ө.Жақып. - Алматы: «Қазақ энциклопедиясы», 2011 жыл. - 880 бет.ISBN 9965-893-73-Х

[2] Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5

[3] Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2

[1]

[2]

[3]