Мәди Айтбенбетұлы Айымбет

Мәди Айтбенбетұлы Айымбет (14.10.1946 жылы туған, Қостанай облысы, Аманкелді ауданы,) - жазушы. ҚазҰУ-ды (1972) бітірген. 1972 - 77 ж. "Қазақстан пионері" (қазіргі "Ұлан") газе­тінде бөлім меңгерушісі, жауапты хатшы, 1977 - 84 ж. "Пионер" (қазіргі "Ақ желкен") журналында бөлім меңгерушісі, 1984- 86 ж. "Қазақстан коммунист" (қазіргі "Ақиқат") журналында аға редактор, 1986 - 90 ж. Қазақстан баспа, полиграфия және кітап саудасы жөніндегі мемлекеттік комитетінде көркем әдебиет бөлімінің меңгерушісі, "Ғылым" баспасының бас редакторторы қызметтерін атқарды. 1993 жылдан ҚР Парламенті Сенатының редакторциялық-баспа бөлімі бастығының орынбасары. Алғашқы әңгімесі "Тәтті мүң" 1972 ж. жарық көрді. Кейін "Ерте­гіден келген бала" (1978), "Көгілдір соқпақ" (1980), "Нәзік жаңғырық", "Күнікей", "Ғашық болу бақыты", "Шырақшы Қалжігіт", "Қүм киесі", "Ол дәурен бір көрген түс", т.б. по­весть, әңгімелері, орыс тілінде "Пла­то голубых цветов" (1985), "Чаша печали" (1997) атты прозалық кітабы жарық көрді. Орыс жазушысы В.Шукшиннің, украин жазушысы А.Головконың шығармаларын қазақ тіліне аударған. Қазақстан Жоғарғы Кеңесінің Грамотасымен, ҚР Құрмет грамотасымен марапатталған.

Шығармалары:

Шілденің күні. Повесть, әңгімелер. А., 1976; Ертегіден келген бала. Повесть. А., 1978; Көгілдір соқпақ. Әңгімелер, повесть. А., 1980; Көлге шомылған ай. Повестер мен әңгімелер. А., 1984; Плато голубых цветов. А., 1985; Шыққа тұнган нұр. Повестер. А., 1989; Ол дәурен бір көрген түс. Повестер мен әңгімелер. А., 1995; "Чаша печали" А., 1977; Тылсым. Повестер, Аст., 2001.