Мәрия Нұрғалиқызы Омарова

Мәрия Нұрғалиқызы Омарова (1.3.1951 жылы туған, Алматы облысы Панфилов ауданы Көктал ауылы) – медицина ғылымының докторы (1994).

Албан тайпасы Қыстық руынан шыққан.

Оқу жолы

Алматы мемлекеттік медицина институтын (1974, қазіргі Қазақ ұлттық медицина университеті) бітірген

Жұмыс жолы

Oсы институтта стажер-ізденуші, аспирант, ассистент, аға оқытушы, кафедра меңгерушісі (1974–1995), ҚР Денсаулық сақтау министрлігінде басқарма бастығының орынбасары (1995–1997), ҚР Білім, мәдениет және денсаулық сақтау министрлігінің Денсаулық сақтау коммитетінде медицина ғылымдары бөлімінің бастығы (1997–1999), төрағасының орынбасары (1999), ҚР Денсаулық сақтау ісі жөніндегі агенттігінің төрайымы (1999–2000) болды. 2000 жылдан Гигиена және эпидемиология ғылыми орталығының директоры қызметін атқарады.

Ғылыми еңбектер

• 1994 жылы «Алматы қаласындағы қоршаған ортаның негізгі объектілерінің гигиеналық

мәселелері және оның халық денсаулығына пайда-залалының сандық және сапалық көрсеткіштері» деген тақырыпта докторлық диссертация қорғады.

• 70-тен астам ғылыми жарияланымның авторы.