Назгүл Әдиетқызы Қарабалина

Назгүл Әдиетқызы Қарабалина (1978 жылы 28 қазанда Орал облысы, Ақжайық ауданы, Шолохов ауылында туған) — актриса, продюсер, режиссер. Дарын мемлекеттік сыйлығының (2010) және "Тарлан" тәуелсіз платинды сыйлығының (2002) лауреаты. Мұхтар Әуезов атындағы Қазақ мемлекеттік академиялық драма театрының актрисасы. Құрмет орденінің иегері (2016).

Назгүл Қарабалина
Nazgul_Karabalina.jpg
Жалпы мағлұмат
Туған күні	27 қыркүйек 1977 (1977-09-27) (46 жас)
Туған жері	Батыс Қазақстан облысы, Ақжайық ауданы
Азаматтығы	Қазақстан
Мамандығы	актриса, режиссер, продюсер
Белсенді жылдары	2000 - осы уақыт
Марапаттары	Құрмет ордені

Жалпы мәліметтер

Орал облысы Ақжайық ауданы Шолохов атындағы ауылда дүниеге келген.

1993 - 1997 жылдар арасында Орал қаласындағы Құрманғазы атындағы музыкалық училищесінде оқыды. 1997 - 2000 жылдар арасында Қазақ Ұлттық Темірбек Жүргенов атындағы Өнер академиясында оқыды, 2000 жылы Қостанай облыстық драма театрында дипломдық тәжірибеден өтті. 2001 жылдан Мұхтар Әуезов атындағы академиялық драма театрының актрисасы.

Сахнадағы рөлдері

Ұлттық классика мен заманауи драматургияда: М. Әуезовтің «Айман-Шолпанында» Шолпан, «Абайында» Ажар (реж. Е.Обаев), Ғ.Мүсіреповтің «Қозы Көрпеш – Баян сұлуындағы» Баян (реж. Қ.Сүгірбеков), С. Мұқановтың «Мөлдір махаббатында» Бәтес (реж. Ә.Рахимов), Ә.Таразидің «Ақын..Періште…Махаббатында» Періште (реж. Ә.Рахимов), И.Сапарбайдың «Сыған серенадасында» Изольда (реж. Е.Обаев), Т.Нұрмағанбетовтың «Ескі үймен қоштасуында» Айжаңа (реж. Е. Обаев), Т.Ахметжанның «Сұлу мен суретшісінде» Сұлу (реж. Н. Жақыпбай), Қ.Мұхамеджанов, Ш.Айтматовтың «Көктөбедегі кездесуінде» Гүлжан, Иран Ғайыптың «Мен ішпеген у бар ма?» реквиемінде Әйгерім (реж. О.Кенебаев), Д.Исабековтің «Жаужүрегінде» Нарышкина (реж. Е.Обаев) т.б.

Әлемдік классика мен заманауи драматургияда: Г. Гауптманның «Ымырттағы махаббатында» Инкен (реж. Р.Андриасян), Н.Хикметтің «Фархад-Шырынында» Мехменебану (реж. А.Әшімов), Т.Жүженоғлының «Көшкінінде» Келін (реж. А.Кәкішева), М.Задорновтың «Күйеуіңізді сатыңызшысында» Оксана (реж. О.Кенебаев), М.Байджиевтің «Қылмысында» Мәриям (реж. О.Сәрсенбек), А.Чеховтың «Апалы-сіңлілі үшеуінде» Маша (ауд. Ә.Бөпежанова, реж. Р.Андриасян, А.Кәкішева) т.б. «Махаббат дастаны» қойылымы Корея мен Түркиядағы фестивальдарда жеңімпаз болса, «Сұлу мен суретші» Орталық Азия мен Қазақстан театрларының халықаралық фестивалінде бас жүлде иеленді.

Кино рөлдері

• «Дүние жарық» — Сайра,
• «Құрақ көрпеде» — Келін,
• «Үйректің жүрегі» — Айгүл,
• «Махамбет» — Амазонка,
• «Ауылым — әнім» — Әкім,
• «Періште» — Сая
• «Мангазияға жол» — Қарай т.б.

Отбасы

• жары: актер, Қазақстанның еңбек сіңірген қайраткері Азамат Сатыбалды, 1 ұлы бар.

Марапаттары

• "Театр көктемі" дәстүрлі театр фистивальінің бірнеше мәрте жүлдегері
• 2002 ҚР тәуелсіз "Тарлан" сыйлығының лауреаты
• 2010 ҚР Үкіметінің "Дарын" мемлекеттік жастар сыйлығының лауреаты
• 2016 «Құрмет ордені» мен марапатталды.
• 2016 "ҚР тәуелсіздігіне 25 жыл" медалі.