Нариман Үлкенбайұлы

Нариман Үлкенбайұлы (Үлкенбаев) 1939 жылы 1 қаңтарда Гурьев облысы Исатай ауданының Манаш ауылында туған. 2012 жылы қайтыс болған.

Нариман Үлкенбаевқа арналған ескерткіш тақта. Атырау қаласы, Сәтпаев к., 5а үй.

Білімі

• Гурьев облыстық медицина училищесін (1958);
• Алматы зооветеринарлық институтын (1972) бітірген, зоотехник;
• Ленинградтағы «Құрмет белгісі» орденді Мәдени жоғары кәсіподақ мектебін тәмамдаған (1987), мәдени-ағарту жұмыстарының жоғары білікті ұйымдастырушы-әдіскері.
• Қазақ және орыс тілдерін біледі.

Қызметі

• 1959-1961 жылдары - Гурьев облысының Бақсай ауданындағы Чапаев кеңшарының комсомол комитеті хатшысы.
• 1962 жылдың наурыз-маусым айларында - фельдшер.
• 1968 жылдан - Гурьев облысы Бақсай ауданының Чапаев ауылындағы Аққыстау халық театрының режиссері.
• 1975-1985 жылдары - Махамбет аудандық мәдениет бөлімінің меңгерушісі (Гурьев облысы).
• 1981 жылдан - Махамбет атындағы Гурьев облыстық қазақ драма театрының актері.
• 1986 жылдың сәуір айынан - әдіскер.
• 1986 жылдың қазан айынан - Гурьев қалалық кәсіподақ комитетінің хатшысы.
• 1988 жылдан - Гурьев қаласындағы нан комбинатының кәсіподақ комитетінің төрағасы.
• 1998 жылдан - Халықтық зейнетақы қорының Атырау облыстық филиалының директоры.
• 2000 жылдан - Атырау облыстық тарихи-өлкетану мұражайының директоры.

Марапаттары

«Мәдениет қайраткері» (2002) белгісімен, ҚР Мәдениет министрлігінің Құрмет грамотасымен (2001) марапатталған.

Отбасы

Үйленген. Жұбайы - Қарақойшиева Шолпан. Қыздары - Зәуреш (1960 ж. т.), Айгүл (1962 ж. т.), Айна (1966 ж. т.), Гүлнәфис (1970 ж. т.); ұлдары - Бейімбет (1968 ж. т.), Мәмбет (1972 ж. т.).

2012 жылы 6 желтоқсан күні елімізге белгілі күйші, ҚР еңбек сіңірген қайраткері Нариман Үлкенбайұлы дүниеден озды. Н. Үлкенбайұлы өнер және мәдениет саласында 50 жылдан астам уақыт еңбек атқарды. Негізгі мамандығы медицина саласымен байланысты болғанымен, күй деп соққан жүрегі өмір жолын өнер арнасына бұрғызды. Оның күйшілік өнерге келуіне күй анасы Дина шешейдің шығармашылығы ерекше ықпал еткен болатын.