Насирдин Байтеміров

Байтеміров Насирдин (1916 жылы туған), қырғыз жазушысы. Балаларға арналған «Ертегілер» кітабы 1948 ж. жарық көрді. Бұдан кейін «Азамат» повесі (1948), «Салтанат» (1949), «Соңғы патрон» (1955), «Жұлдызым» (1958), «Тарих ескерткіші» (1966), «Санта» (1970), «Өмір елегі» (1972) романдары т. б. жарияланды. Әуезовті 30-жылдардын соңынан бастап білген. Әр түрлі жиындарда, конференциялар мен съездерде, Бішкек пен Алматыда ұлы жазушымен кездесіп, ой-пікір алмасып жүрген. Бұл туралы қолжазба естелігінде жазған және Мұхаңа «Көлде жүрет» деген ұзақ, өлең арнаған. Байтеміровтің көптеген кітаптары Әуезовтің кітапханасында сақталған, солардың біразына автор қолтаңба жазып сыйлаған.