Наталья Васильевна Дмитрюк

Наталья Васильевна Дмитрюк (1951 жылы 16 ақпанда туған Солтүстік Қазақстан облысы, Көкшетау қаласы) – филология ғылымының докторы (2000), профессор.

Шымкент педагогикалық институтының филология факультетін бітірген (1972). Еңбек жолын мектепте орыс тілі мен әдебиеті пәнінің мұғалімі болып бастаған. 1974 – 2001 ж. Шымкент педагогикалық институтында оқытушы, доцент, орыс тілі мен әдебиетін оқыту методикасы кафедрасының меңгерушісі (1991 – 96), тіл жөніндегі департамент меңгерушісі (1997 – 2001), «Мирас» университеті ақпараттық педагогика факультетінің деканы қызметтерін атқарды. 2001 жылдан Қожа Ахмет Иасауи атындағы Халықаралық қазақ-түрік университеті орыс тілі кафедрасының профессоры болып еңбек етеді. 1985 ж. кандидат диссертациясын Мәскеу қаласында қорғаса, 2000 ж. жалпы тіл білімі, психолингвистика, социолингвистика салалары бойынша докторлық диссертация қорғады. 100-ден астам зерттеу жұмыстары жарық көрген, оның ішінде 20 шақты оқулықтар мен лекция топтамалары бар. Дмитрюктың жетекшілік етуімен 4 ізденуші кандидат диссертация қорғаған. Облыстық әкімшілік тарапынан «2004 жылдың үздік ғалымы» деп танылған.