Наштай Мұхитдинов

Наштай Мұхитдинов (30.8.1941 жылы туған, Ордабасы ауданы Қарааспан ауылы) – ғалым, биология ғылымдарының докторы (1996), профессор (1997).

ӨмірбаяныӨңдеу

  • ҚазМУ-дің (қазіргі ҚазҰУ) биология факультетін бітірген (1966).
  • 1970 жылы осы оқу орнында ассистент, ал 1971 жылдан бастап оқытушы болды. 198083 жылы биология факультеті деканының орынбасары, 1983–88 жылдары ғылыми жұмыстар жөніндегі проректордың орынбасары қызметін атқарды. 1988 жылдан кафедра меңгерушісі, 19952000 жылдары биология факультетінің деканы.

Ғылыми жұмыстарыӨңдеу

Қазақстанның әр түрлі экология жағдайларында – сор және сортаң топырақта, Іле Алатауының альпі, субальпі, бұталы, шөптесін өсімдікті белдеулерінде өсетін доминантты өсімдіктердің тамыр жүйесінің морфоқұрылымына алғаш рет талдау жасады. Табиғи флорадағы және мәдени өсімдіктердің 50 түрінің тамыр жүйесінің ерекшеліктерін және басқа да экологиялық жағдайларда өсетін 110 өсімдік түрлерінің тамыр жүйесін зерттеді. Бұл зерттеулер тамыр жүйесінің экологиялық бейімделу дәрежесін анықтауға әрі салыстырмалы талдау жасауға мүмкіндік берді. Академик И.О. Байтулинмен бірге өсімдіктердің ерекше экологиялық түрін – факультативті және облигатты галоидофиттерді анықтады. Кейінгі жылдары ғалым факмокопеялық және болашағы бар дәрілік өсімдіктердің биол. ерекшеліктерін зерттеуде.[1]

ШығармашылығыӨңдеу

  • Геоботаника негіздері (оқу құралы), А., 1992;
  • Экологоморфологические особенности корневой системы растений солонцов и солонцеватых почв, А., 1996;
  • Өсімдіктер морфологиясы мен анатомиясы (оқулық), өңделген екінші басылымы, А., 2001;
  • Лекарственные растения (учебное пособие), А., 2002.[2]

МарапаттарыӨңдеу

  • ҚазКСР Жоғарғы Кеңесінің мақтау қағазын (1984)
  • «Үздік еңбегі үшін» (2003) медалімен марапатталған.

ДереккөздерӨңдеу

  1. Оңтүстік Қазақстан облысының энциклопедиясы
  2. Қазақ Энциклопедиясы