Нағашыбай Мұқатов
Нағашыбай Мұқатов - 1949 жылы 15 наурызда Қостанай облысы, Жангелді ауданы, Торғай селосында туған.
Өмірбаяны өңдеу
1970 жылы қазіргі әл-Фараби атындағы ҚазҰУ-дің журналистика факультетін бітіріп, Жангелдин аудандық газетінде әдеби қызметкер, Торғай, Қостанай облыстық радиоларында редактор, Қазақ радиосының Торғай облысындағы меншікті тілшісі, Қостанай теледидарының бас редакторы қызметтерін атқарған. «Қазақстан-Қостанай» теледидар компаниясында «Шаңырақ» шығармашылық бірлестігін басқарған. Қазір Қостанай облыстық Ы.Алтынсарин мемориалдық мұражайының директоры болып қызмет істейді, Ахмет Байтұрсынұлы атындағы Қостанай мемлекеттік университетінің журналистика бөлімінде шәкірттерге дәріс береді.
Өлеңді мектеп қабырғасында жазған. Аудандық, облыстық ақындар айтыстарына қатысып, бірнеше мәрте жеңімпаз болған. 1972 жылы Шымкент қаласында өткізілген тұңғыш жас ақындар фестиваліне қатысқан.
Еңбектері өңдеу
Қазақ радиосы ұйымдастырған «Қазақстаным — қара шаңырағым» атты тұңғыш республикалық радио фестивалінің бас жүлдегері. Әр жылдары жарық көрген «Сөйле, жүрек», «Айналайын адамдар», «Ақбұлақ», «Жанымның жасыл жапырақтары», «Бейсенбай биік бәйтерек», «Қанат және Қаламқас», «Күлкім келеді», «Қазыналы Қайнекей» кітаптарының авторы. Филология ғылымдарының кандидаты.[1]
Марапаттары өңдеу
«Кеңес одағы теледидары мен радиосы қызметінің үздігі» белгісімен, «Астанаға 10 жыл» медалімен, Қазақстан Республикасының Мәдениет және ақпарат министрлігінің «Мәдениет қайраткері» белгісімен марапатталған. Қостанай облыстық меценаттар клубы тағайындаған «Қазына» сыйлығының екі мәрте иегері.
Отбасы өңдеу
Үйленген. Жұбайы - Мұқатова Рәзия Ағытаевна (1950 жылы туған), зейнеткер. ¥лы - Мұқатов Қанат Нағашыбайұлы (1974 жылы туған), қызы - Мұқатова Қаламқас Нағашыбайқызы (1979 жылы туған).[2]
Дереккөздер өңдеу
- ↑ Қазақстан Республикасында кімнің кім екені – 2011. 2 томдық анықтамалық. Алматы, 2011. ISBN 978-601-278-473-2
- ↑ Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса, Алматы: «Аң арыс» баспасы, 2009 жыл
|
Бұл — тұлға туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |