Нейтринолық астрономия
Нейтринолық астрономия – астрофизика ғылымының астрономиялық денелерді және жұлдызаралық кеңістікті олар арқылы өтіп жер бетіне келіп жатқан нейтрино ағындарының көмегімен зерттейтін бөлімі. Ғарыштық нейтрино көзі – жұлдыздардағы термоядролық реакция болып табылады. Жұлдыздардың (оның ішінде Күннің) өзінен бөліп шығаратын энергиясының 3/4%-ы нейтрино түрінде тарайды. Мысалы, Күн нейтриносының жер бетіндегі ағыны 1011 нейтрино/см2 с-қа тең. Осындай нейтрино ағынының көмегімен жұлдыздардың және жұлдызаралық кеңістіктің құрылысын, қасиеттерін зерттеу физикалық әдістердің бірі болып табылады. Нейтринолар басқа бөлшектер ене алмайтын қалың ортаға оңай еніп, олармен әсерлесуі мүмкін. Олар температурасы да, тығыздығы да өте жоғары материя қасиеттерін зерттеуге өте қолайлы құрал. Ғарыштың өте алыс нысандарынан келетін нейтрино қасиеттері Әлемнің алғаш пайда болуы құрылысынан мағлұмат береді. Сондықтан Нейтринолық астрономияның негізгі мәселелерінің бірі – нейтриноны тіркеудің жаңа әдістерін табу. [1]
Сілтемелер
өңдеуДереккөздер
өңдеу- ↑ Қазақ энциклопедиясы, 7 том
| Бұл мақаланы Уикипедия сапа талаптарына лайықты болуы үшін уикилендіру қажет. |
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |