Николай Дмитриевич Сергиенко

Николай Дмитриевич Сергиенко(1923 жылы туған, Ақмола облысы,Бұланды ауданы,Журавлевка селосы) - 2-дүниежүзілік соғысқа қатысушы, аға сержант, зеңбірек командирі. Соғыс қарсаңында Челябі облысы,Қарталы қаласындағы темір жолы училищесін оқып бітірген. 1941 жылдың 15 маусымында Кеңес әскері қатарына алынды. Ол Оңтүстік-Батыс, Брянск, Воронеж, Дала, 2-және 3-Украина, Беларусь майдандары әскерлерінің құрамында гитлершілермен шайқасты. Магнушев плацдармындағы (Польша) Боска Воля елді мекені маңында жау қорғанысын бұзып өту және Равка өзенінен өту кезіндегі шайқаста ерекше көзге түсті. Осы ерліктері үшін Сергиенкоға КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (27.2.1945). 1945 жылы запасқа шықты. Ол соғыстан кейін қолөнер училищесініц шебері болды, Магнитогорск кен-металлургия техникумын (1950), институт (1960) бітірді. Сондағы зауытта вальцовщик болып, кейіннен Соколов-Сарыбай кен байыту комбинстында жұмыс істеді. 1985 жылы зейнеткерлік демалыска шықты.