Нығметулла Сырғабекұлы
Нығметулла Сырғабекұлы Сырғабеков (1900, №7 ауыл, Петропавл уезі, Ақмола облысы, Ресей империясы — 25 ақпан 1938) — Кеңестік мемлекет қайраткері, Қазақ АКСР Жоғарғы Сотының төрағасы (1929).
| Нығметулла Сырғабекұлы | |||
| Лауазымы | |||
|---|---|---|---|
| |||
| 1932 — 1933 | |||
| |||
| мамыр — қараша 1929 | |||
| Ізашары | Сермұхамед Бекбатырұлы (РКФСР Жоғарғы соты Қазақ бөлімшесінің төрағасы ретінде) | ||
| Ізбасары | Нағима Арықова | ||
| Өмірбаяны | |||
| Партиясы | РК(б)П (1921 ж. бастап) | ||
| Дүниеге келуі | 1900 №7 ауыл, Петропавл уезі, Ақмола облысы, Ресей империясы | ||
| Қайтыс болуы | 25 ақпан 1938 | ||
өңдеу  |
|||
Өмірбаяны
өңдеуАқмола облысы, Петропавл уезінің №7 ауылында (қазіргі Солтүстік Қазақстан облысы, Аққайың ауданы) дүниеге келді.
Петропавл қаласындағы екінші үш жылдық жоғары бастауыш мектепті бітірген. 1921 жылдан бастап РК(б)П мүшесі болды.
- 1921 жылы — Петропавл уездік революциялық комитетінің нұсқаушысы,
- 1921—1923 жылдары — Ақмола губерниялық революциялық комитеті мен губерниялық атқару комитетінің нұсқаушысы, Ақмола губерниялық трибуналының алқа мүшесі, Ақмола губерниялық соты төрағасының орынбасары,
- 1923 жылы — БК(б)П Қырғыз (Қазақ) облыстық комитетінің нұсқаушысы,
- 1924—1926 жылдары — Төралқа мүшесі, РКФСР Жоғарғы соты Қазақ бөлімшесіндегі сот-қылмыстық алқасы төрағасы,
- 1926—1929 жылдары — Жетісу губерниялық сотының төрағасы,
- 1928—1929 жылдары — алқа мүшесі және Қазақ АКСР прокурорының көмекшісі,
- 1929 ж. мамыр-қарашасы — Қазақ АКСР Жоғарғы Сотының төрағасы,
- 1929—1931 жылдары — Ауыл шаруашылығы халық комиссариаты басқармасының басшысы, Қазақ АКСР Ауыл шаруашылығы халық комиссарының орынбасары,
- 1931 жылы — Қазақ АКСР халық комиссарлары кеңесі қарамағындағы Қазақ халқын қоныстандыру комитеті төрағасының орынбасары,
- 1932 ж. қаңтар-наурыз — Қазақ АКСР-нің қамсыздандыру халық комиссары,
- 1932—1933 жылдары — Шығыс Қазақстан облыстық Кеңесі атқару комитетінің төрағасы,
- 1933—1937 жылдары — Қазақ АКСР және Қазақ КСР Егін шаруашылығы халық комиссары.
БК(б)П Қазақ өлкелік комитетінің (1929-1936), Қазақстан К(б)П ОК мен оның бюросы (1937) мүшесі, БОАК және Қазақ ОАК мүшесі болып сайланды.
1937 жылы қудаланды. 1938 жылы 25 ақпанда атылды. 1958 жылы ақпанда ақталды.