Нүсіпбек Әшімбаев

Нүсіпбек Әшімбаев (1910 жылы туған, Райымбек ауданы, Сүмбе ауылы- 2010 жылы Алматы қаласында қайтыс болған) — еңбек ардагері, Социалистік Еңбек Ері. 1934-33 жылдары Есекартқан ауылдылдық кеңесінде хатшылық қызмет атқарды, шекараны қорғау үшін құрылған комотрядтың мүшесі болады. Бірақ жазықсыз қуғындалып, әуелі Сарыжаз комендатурасында, кейіннен Алматыда қамауда ұсталды. 1933 жылы 29 қазанда ОГПУ "үштігінің" сырттай шығарылған қаулысымен 3 жылға бас бостандығынан айырылып, Карлагқа айдалды. Түрмеден оралған соң түрлі жұмыстар істеп, 1944-52 жылдары қой фермасын (Райымбек ауданы) басқарды. 1966 жылы ҚазКСР Жоғарғы Соты арқылы ақталды. 1953 жылы ұжымшар басқармасының төрағалығына сайланып, осы қызметті 1985 жылы дейін атқарды. Осы жылдары шаруашылық орталығы Сарыбастау ауылы экономикалық өсіп-өркендеу кезеңінен өтті. Ауылда екі мектеп, Мәдениет сарайы, кірпіш заводы, стадион, 30000 бастық мал бордақылау кешені, инку­батор станциясы, әк күйдіру цехы, т.б. іске қосылды. Бұлардың бәрі мемлекеттік жәрдемінсіз колхоз қаражаты арқылы жүзеге асырылды. Осындай айтулы еңбектері үшін Социалистік Еңбек Ері атанды, 3 мәрте Ленин және Октябрь революциясы, "Құрмет белгісі" ордендерімен, бірнеше медальмен марапатталды.

Ұлы жүздің Албан тайпасынан шыққан.