Нұрлан Болатұлы Сүйінбаев

Нұрлан Болатұлы Сүйінбаев - 1973 жылы 16 қарашада Ақтөбе облысының Қарабұтақ кентінде туған. Қазақ. Әкесі - Сүйінбаев Болат Толыбайұлы, марқұм. Анасы - Сүйінбаева Уасила Кәменқызы, зейнеткер, Қарабұтақ аудандық дайындау кеңсесінің дайындаушысы болып жұмыс істеген. Халықаралық басқару бизнес және құқық институтының заң факультетін (Славянск қаласы, Украина, 1996) заңгер-менеджер мамандығы бойынша; Қ. Жұбанов атындағы Ақтөбе мемлекетік университетінің экономика факультетін (2004) «Қаржы және несие» мамандығы бойынша бітірген. Қазақ және орыс тілдерін біледі.

• 1990 жылдан - Қарабұтақ кентіндегі Қарабұтақ аудандық дайындау кеңсесінің жұмысшысы.
• 1994 жылдан - «Инициал» инвестициялық қорының тіркеушісі, инвестициялар жөніндегі директоры, «Велта» ЖШС атқарушы директоры.
• 1997 жылдан - «Қайта ұйымдастыру және тарату агенттігі» ААҚ Ақтөбе филиалының сайыстық басқарушысы. 1999 жылдан «Жылуэнергия» ААҚ заң кеңесшісі, еңбек пен басқаруды ғылыми ұйымдастыру бөлімінің бастығы (Ақтөбе қаласы).
• 2002 жылдан - «Интертрейд» ААҚ бас директоры (Ақтөбе қаласы).
• 2003 жылдың ақпанынан - Атырау облысының құрылыс және тұрғын коммуналдық шаруашылық департаменті директорының экономика және қаржы жөніндегі орынбасары.
• 2003 жылдың тамызынан - жер пайдалану бөлімінің бастығы, Атырау облыстық мұнай-газ кешені, сыртқы экономикалық байланыстар мен инвестициялық саясат басқармасы бастығының орынбасары.
• 2005 жылдан - Атырау облысының Табиғат ресурстары және табиғат пайдалануды реттеу департаменті директорының орынбасары.
• 2006 жылдан - Ақтөбе қаласының әкімі аппаратының жетекшісі.
• 2009 жылдың қарашасынан бері - Ақтөбе облысы бойынша ҚР Мемлекеттік қызмет істері агеттігі басқармасының бастығы - Ақтөбе облысындағы ҚР Мемлекеттік қызмет істері жөніндегі агенттіктің Тәртіптік кеңес төрағасы. «Астананың 10 жылдығы» медалімен марапатталған (2008). Әскери атағы - запастағы сержант.

Саяси қайраткер ретіндегі идеалы - Н.Ә. Назарбаев, В.В. Путин.

Қазақстанның болашағы туралы болжамы - «Жағымды».
Хоббиі - футбол.
Сүйіп оқитын әдебиеті - тарихи романдар.

Үйленген. Жұбайы - Әубикерова Ақмарал Қазбекқызы (1977 жылы туған), үй шаруасымен айналысады. Ұлдары - Сүйінбаев Темірболат Нұрланұлы (2000 жылы туған), Болатов Батыр Нұрланұлы (2004 жылы туған).