Нұрлан Мәжитұлы Әбдіров

 Басқа мағыналар үшін Әбдіров деген бетті қараңыз.

Нұрлан Мәжитұлы Әбдіров - 1961 жылы 12 қаңтарда Қарағанды облысының Шет ауданы Ақсу-Аюлы ауылында туған. Ұлты - қазақ. Арғын тайпасы, Қаракесек руының Керней бұтағынан шыққан.

Нұрлан Мәжитұлы Әбдіров

КСРО ІІМ Қарағанды жоғарғы мектебін бітірген (1982), заңгер-құқықтанушы.

Заң ғылымдарының кандидаты (1987), докторы (1999). Докторлық диссертациясының тақырыбы: «Қазақстан Республикасында нашақорлықпен күрестің концептуалды проблемалары (криминологиялық және қылмыстық-құқықтық зерттеу)». Профессор.

«Подросток в орбите наркотизма: проблемы, предупреждение» (тең авторлықта, 1997), «Уголовно-правовые меры борьбы с преступлениями, связанными с наркотиками» (тең авторлықта, 1998), «Концептуальные проблемы борьбы с наркотизмом в РК (криминологическое и уголовно-правовое исследование)» (1999) кітаптарының авторы. 70-тен астам ғылыми жарияланымдардың авторы.

«Нұр Отан» ХДП мүшесі (2007 жылдан).

1982 жылдан - КСРО ІІМ Қарағанды жоғарғы мектебінің оқытушысы. 1984 жылдан - КСРО ІІМ БҒЗИ адъюнкті. 1987 жылдан - ҚР ІІМ (МТК) ҚЖМ оқытушысы, аға оқытушысы, доценті, қылмыстық құқық және криминология кафедрасы бастығының орынбасары. 1997 жылдан - ҚР Нашақорлықты бақылау бойынша мемлекеттік комиссиясының хатшысы. 2000 жылдың мамыр айынан - ҚР Нашақорлық пен наша бизнесімен күрес агенттігі төрағасының орынбасары. 2001 жылдан бері - ҚР Әділет министрлігінің Нашақорлық пен наша бизнесімен күрес комитеті төрағасының орынбасары. 2002 жылдан - мемлекеттік инспектор, 2004 жылдан - қоғамдық және экологиялық қауіпсіздік бөлімінің меңгерушісі , 2005 жылдың сәуір айынан - хатшылық меңгерушісінің орынбасары, 2005 жылдың маусым айынан - хатшылық меңгерушісі - ҚР қауіпсіздік хатшысының орынбасары.

2007 жылдан бері - ҚР Парламенті Мәжілісі 4-ші шақырылымының «Нұр Отан» ХДП тізімі бойынша депутаты, Халықаралық істер, қорғаныс және қауіпсіздік комитетінің мүшесі.

2009-2011 жылдары - төртінші сайланған Қазақстан Республикасы Парламенті Мәжілісінің депутаты.

2012 жылғы қаңтардан бастап - бесінші сайланған Қазақстан Республикасы Парламенті Мәжілісінің депутаты, «Нұр Отан» Халықтық Демократиялық партиясының мүшесі, партиялық тізім бойынша сайланған.

Мемлекет Басшысының 2020 жылғы 28 тамыздағы Жарлығымен Нұрлан Мәжитұлы Әбдіров Қазақстан Республикасы Парламенті Сенатының депутаты болып тағайындалды.

«Құрмет» орденімен (2006), «Ұлттық қауіпсіздікті қамтамасыз етудегі үлесі үшін» медалімен марапатталған.

«Парасат», ТМД ПАА-ның «Содружество» орденімен, медальдармен марапатталған.

Үйленген, екі баласы бар.

Сілтемелер

Мәжілістің құрамы мен құрылымы, ӘБДІРОВ Нұрлан Мәжитұлы