Обаған - Есіл артезиан алабы
Обаған-есіл артезиан алабы (Убаган-Есильский артезианский бассейн) — Қостанай, Солтүстік Қазақстан облыстары жеріндегі артезиан алабы. Қалыңдығы 30-70 м-лік эоценнің құмдарында, құмтастарында, кремнеземге бай, қатты, жеңіл таужынысындағы (опока) су қабаты 60—100 м тереңдікте жатыр. Тұщы, сол ащы сулы қабат жіңішке танап (5—8 км) Есіл (палеозой жыныстарында) және Обаған (жоғарғы бор құмдарында) өзендерін бойлай орналасқан. Жарықшақты сулардың минералдылығы алаптың оңтүстігінде 3—9 г/л-ге, өзге аумақтағы барлық сулы горизонттарда 10—15 г/л-ге жетеді, кейде бұдан біршама жоғары болады. Деңгейі 48 м-ге дейін төмендегендегі көптеген ұңғымалардың су шығымы тәулігіне 10—45 м3. Есілге таяу орналасқан және палеозой жыныстарына жеткізіле бұрғыланған ұңғымалар тәулігіне 60—105 м3 су береді. Обаған өзені аңғарындағы ұңғымалардың су шығымы 170—215 м3. Артезиан суы шаруашылыққа кеңінен пайдаланылады.[1]
Дереккөздер
өңдеу- ↑ Қазақ тілі терминдерінің салалық ғылыми түсіндірме сөздігі. Су шарушылығы. – Алматы, Мектеп, 2002.
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |