Оздар

Оздар, эскерлер (швед. asar — жота, тізбек) — құм, шағылтас,малтатастардан тұратын, шегінген мұздықтың шебіне перпендикуляр немесе параллель (маргинальдық Оздар) бағытталған, ұзын (бірнеше ондаған км), ирек тізбек, жалдар; бұрынғы мұздықтың қозғалған бағытына қарай созылған, еріген су ағыны нәтижесінде пайда болған ұзын, жіңішке қырқалар. Ені бірнеше м-ден 2—3 км-ге дейін, биіктігі 20-50 м болады. Негізінен мұздық ішінде еріген су ағысынан қалыптасады. Эстония, Латвия, Ленинград облысы, Финляндияда, Швецияда кеңінен тараған.