Омархан Нұртайұлы Өксікбаев

Омархан Нұртайұлы Өксікбаев - Республикалық бюджеттің атқарылуын бақылау жөніндегі есеп комитетінің төрағасы.

1954 ж. 22 желтоқсанда Алматы облысы Балхаш ауданы Көктал ауылында туған.

1975 ж. АХШИ-ды бітірген, экономист.

1975-79 жж. - Алматы облысы қаржы басқармасының аға экономисі.

1979-84 жж. - Алматы суармалы жерлерді игеру басқармасының бас экономисі, бөлім бастығы.

1984-92 жж. - ҚР Қаржы министрлігінің аға, бас бақылаушы-тексерушісі, бөлім бастығы, басқарма бастығының орынбасары.

1992-93 жж. - ҚР Қаржы министрлігі Мемлекеттік қаржы бақылауы комитеті басқармасының бастығы.

1993-96 жж. - ҚР Мемлекеттік қаржы бақылауы комитеті басқармасының бастығы.

1996-98 жж. - ҚР Қаржы министрлігі басқармасының бастығы; Республикалық бюджеттің атқарылуын бақылау жөніндегі есеп комитетінің мүшесі.

1999-2000 жж. - ҚР Жемқорлықпен күрес жөніндегі мемлекеттік комиссияның мүшесі.

2000-02 жж. - ҚР Қауіпсіздік кеңесі хатшысының орынбасары. 2002 ж. - ҚР Президенті Әкімшілігі Бас бақылау инспекциясының жетекшісі.

2002-03 жж. - ҚР Қауіпсіздік кеңесінің хатшысы.

2003 ж. – Республикалық бюджеттің атқарылуын бақылау жөніндегі есеп комитетінің төрағасы.

«Құрмет» орденімен (2004), мемлекеттік медальдармен марапатталған.

Экономикалық қауіпсіздік пен қаржы бақылауының өзекті мәселелері бойынша 15-тен астам мақаланың авторы. Жұмыстағы негізгі ұстанымы: «Әділдік». Іскер адамның бойындағы құнды қасиеттер: «Кәсіпқойлық». Қазақстанның қаржы жүйесін талдау: «Бүгінгі таңда ҚР қаржы жүйесі жұмысының принципі, оның қызмет етуінің заңнамалық және нормативтік базасы қазіргі заманғы нарықтық экономиканың талаптарына сай келеді. Қаржы саласының дамуы - республикадағы экономикалық реформалардың табыстылығы факторларының бірі. Алайда келешекте елдің қаржы саласын жаңа сапалы деңгейге көтеру үшін оған жүйелі өзгерістер жасау қажет."