Қазақстан Республикасының Жоғары аудиторлық палатасы

Қазақстан Республикасының Жоғары аудиторлық палатасы — Қазақстан Республикасының Президентіне тікелей бағынатын және оған есеп беретін сыртқы мемлекеттік аудитті және қаржылық бақылауды жүзеге асыратын мемлекеттік аудит пен қаржылық бақылаудың жоғары органы.

Қазақстан Республикасының Жоғары аудиторлық палатасы (ҚР ЖАП)
Жалпы мағлұмат
Мемлекет	Қазақстан
Құрылған уақыты	2022 жыл
Оның алдындағы мекеме	1) Жұмысшы-шаруа инспекциясының халық комиссиясы 2) Мемлекеттік бақылау халық комиссиясы 3) Қазақ КСР Мемлекеттік бақылау министрлігі 4) Қазақстан Компартиясы Орталық Комитеті және Қазақ КСР Министрлер Кеңесі Партиялық-мемлекеттік бақылау комитеті 5) Қазақ КСР Халықтық бақылау комитеті 6) Республикалық бюджеттің атқарылуын бақылау жөніндегі есеп комитеті
Штаб-пәтері	010000, Астана қаласы, Есіл ауданы, Мәңгілік Ел даңғылы, 8-үй
Төрағасы	Әлихан Асханұлы Смайылов
Ресми сайты
gov.kz/memleket/entities/esep

Тарихы

1995 жылы 30 тамызда қабылданған жаңа Конституцияда Республикалық бюджеттiң атқарылуын бақылау жөнiндегi есеп комитетінің төрағасын Президент, комитет мүшелерін Парламент Палаталары екі-екіден 5 жылға тағайындайтыны жайлы айтылды. «Республикалық бюджеттің атқарылуын бақылау жөніндегі есеп комитеті туралы» ережені бекіту туралы» Қазақстан Республикасының тұңғыш Президенті Нұрсұлтан Назарбаевтың 1996 жылғы 19 сәуірдегі Жарлығымен Республикалық бюджеттiң атқарылуын бақылау жөнiндегi есеп комитетi құрылды.

1998 жылғы Конституцияға өзгерістерден кейін Республикалық бюджеттің атқарылуын бақылау жөніндегі есеп комитетінің құрамы 9 адамнан тұратын болды. Республика Президенті төраға мен 2 мүшесін, ал Парламент Палаталарының әрқайсысы 3 мүшесін 5 жылға тағайындайтын болды.

Мемлекет басшысы Қасым-Жомарт Тоқаевтың ұсынысымен 2022 жылғы 5 маусымда өткізілген республикалық референдум бойынша Конституцияға бірқатар өзгерістер енгізілді. Соған сәйкес Қазақстан Республикасы Президентінің 2022 жылғы 26 қарашадағы № 5 Жарлығымен Республикалық бюджеттiң атқарылуын бақылау жөнiндегi есеп комитетi Жоғары аудиторлық палата болып қайта құрылды. Жоғары аудиторлық палата мүшелерінің саны мен тағайындау тәртібі өзгерген жоқ.

Міндеттері

• Халықтың тұрмыс жағдайлары сапасының қарқынды өсуін және елдің ұлттық қауіпсіздігін қамтамасыз ету үшін ұлттық ресурстардың (қаржылық, табиғи, өндірістік, кадрлық, ақпараттық) тиімді және заңды басқарылуын талдау, бағалау және тексеру

Құрылымы

• Қоғаммен байланыс департаменті
• Экономиканың нақты секторына аудит жүргізу департаменті
• Мемлекеттік басқаруға аудит жүргізу департаменті
• Әлеуметтік салаға және құқықтық тәртіпке аудит жүргізу департаменті
• Квазимемлекеттік секторға аудит жүргізу департаменті
• Сапаны бақылау және бағалау департаменті
• Талдау және есептілік департаменті
• Жоспарлау және сертификаттау департаменті
• Халықаралық ынтымақтастық және әдіснама департаменті
• Заң департаменті
• Цифрландыру департаменті
• Ішкі қауіпсіздік департаменті
• Мемлекеттік құпиялар секторы
• Персоналды басқару секторы
• Қаржы және материалдық қамтамасыз ету секторы

Қарамағындағы ұйым

• «Зерттеулер, талдау және тиімділікті бағалау орталығы» ЖШС

Палата мүшелері

Реті	Аты-жөні	Тағайындалған уақыты
1	Төрағасы — Әлихан Асханұлы Смайылов	2024 жыл 1 сәуір
2	Рахымжан Мырзаханұлы Ділдаев	2025 жыл 12 наурыз
3	Амангелді Сағындықұлы Исенов	2025 жыл 6 наурыз
4	Тілеген Төлегенұлы Каскин	2022 жыл 28 қараша
5	Нұрлан Амангелдіұлы Нұржанов	2016 жыл 23 маусым
6	Рүстем Еслямбекұлы Нұрпейісов	2021 жыл 16 маусым
7	Расул Нұрланұлы Рахимов	2021 жыл 21 қазан
8	Ардақ Мырзабайұлы Теңгебаев	2019 жыл 5 ақпан
9	Юлия Федоровна Энгель	2021 жыл 16 маусым

Төрағалары

№	Суреті	Аты-жөні (Өмір сүрген жылдары)	Басқарған уақыты
Қазақстан Республикасы Жоғарғы Кеңесiнiң Бақылау Палатасы (1993—1995)
1		Ғазиз Алдамжаров (1947 туған)	1993	желтоқсан 1993
2		Амангелді Қажыбаев (1943—2021)	1994	наурыз 1995
Республикалық бюджеттің атқарылуын бақылау жөніндегі есеп комитеті (1995—2022)
1		Мүсірәлі Өтебаев (1950 туған)	наурыз 1996	қаңтар 2002
2		Жақсыбек Құлекеев (1957 туған)	30 қаңтар 2002	14 маусым 2003
3		Омархан Өксікбаев (1954 туған)	14 маусым 2003	21 қыркүйек 2012
4		Аслан Мусин (1954 туған)	21 қыркүйек 2012	15 қаңтар 2014
5		Қозы-Көрпеш Жаңбыршин (1960—2017)	15 қаңтар 2014	12 ақпан 2017
6		Нұрмұхамбет Әбдібеков (1961 туған)	14 наурыз 2017	20 ақпан 2018
7		Наталья Годунова (1972 туған)	20 ақпан 2018	28 қараша 2022
Қазақстан Республикасының Жоғары аудиторлық палатасы (2022—)
1		Наталья Годунова (1972 туған)	28 қараша 2022	1 сәуір 2024
2		Әлихан Смайылов (1972 туған)	1 сәуір 2024	—

Жұмысшы-шаруа инспекциясының халық комиссиясы

1. Николай Иванович Баландин (1920 ж. қазан – 1921 ж. маусым)
2. Сергей Дмитриевич Сергеев (1921 ж. маусым – 1921 ж. қазан)
3. Әлиасқар Меңдиярұлы Әлібеков (1921 ж. қазан – 1924 ж. қаңтар)
4. Александр Дмитриевич Авдеев (1924 ж. қаңтар – 1925 ж. қараша)
5. Иван Титович Мороз (1925 ж. қараша – 1928 ж. ақпан)
6. Иван Анфилиевич Богданов (1928 ж. ақпан – 1931 ж. қаңтар)
7. Андрей Якович Фектер (1931 ж. қаңтар – 1932 ж. қазан)

Мемлекеттік бақылау халық комиссиясы

1. Ақметжан Қойшығұлов (1940 ж. қараша – 1942 ж. ақпан)
2. Пётр Григориевич Орехов (1942 ж. ақпан – 1943 ж. қаңтар)
3. Ақай Оңғарбайұлы Оңғарбаев (1943 ж. қаңтар – 1946 ж. наурыз)

Қазақ КСР Мемлекеттік бақылау министрлігі

1. Ақай Оңғарбайұлы Оңғарбаев (1946 ж. наурыз – 1955 ж. маусым)
2. Әбжан Сүйкімбайұлы Жүсіпов (1955 маусым – 1963)

Қазақстан Компартиясы Орталық Комитеті мен Қазақ КСР Министрлер Кеңесінің Партиялық-мемлекеттік бақылау комитеті

1. Георгий Алексеевич Козлов (1963 – 1967)

Қазақ КСР Халықтық бақылау комитеті

1. Георгий Алексеевич Козлов (1967–1971)
2. Пётр Семёнович Канцеляристов (1971–1975, 1975–1980)
3. Борис Василиевич Исаев (1982–1991)