Наталья Николаевна Годунова

Наталья Николаевна Годунова (24 мамыр 1972 жыл, Орал) — қазақстандық саясаткер, 2018–2024 жылдары Республикалық бюджеттің атқарылуын бақылау жөніндегі есеп комитеті мен Жоғары аудиторлық палата Төрайымы.

Наталья Николаевна Годунова
Лауазымы
Ту «Қазақстан темір жолы» АҚ тәуелсіз директоры, директорлар кеңесінің мүшесі
4 сәуір 2024 жылдан бастап
Президент	Қасым-Жомарт Тоқаев
Премьер-Министр	Олжас Бектенов
Ту Қазақстан Жоғары аудиторлық палатасының төрайымы Ту
28 қараша 2022 — 1 сәуір 2024
Президент	Қасым-Жомарт Тоқаев
Премьер-Министр	Әлихан Смайылов Олжас Бектенов
Ізашары	лауазым құрылды, Есеп комитеті төрайымы ретінде өзі
Ізбасары	Әлихан Смайылов
Ту Республикалық бюджеттің атқарылуын бақылау жөніндегі есеп комитетінің төрайымы Ту
20 ақпан 2018 — 28 қараша 2022
Президент	Нұрсұлтан Назарбаев Қасым-Жомарт Тоқаев
Премьер-Министр	Бақытжан Сағынтаев Асқар Мамин Әлихан Смайылов
Ізашары	Нұрмұхамбет Әбдібеков
Ізбасары	лауазым жойылды, Жоғары аудиторлық палата төрайымы ретінде өзі
Ту Қызылорда облысы әкімінің орынбасары
2013 — 2015
Президент	Нұрсұлтан Назарбаев
Премьер-Министр	Серік Ахметов Кәрім Мәсімов
Өмірбаяны
Білімі	Батыс Қазақстан ауыл шаруашылығы институты, РФ Үкіметінің жанындағы Қаржы академиясы
Мамандығы	Экономист
Дүниеге келуі	24 мамыр 1972 (1972-05-24) (52 жас) Орал, Қазақ КСР, КСРО
Марапаттары	Құрмет ордені

Білімі

Батыс Қазақстан ауыл шаруашылығы институтын (экономист мамандығы бойынша), Ресей Федерациясы Үкіметінің жанындағы Қаржы академиясын бітірген. Экономика ғылымдарының кандидаты.

Мансабы

Еңбек жолын 1993 жылы «Орал» агроөнеркәсіпбанкте» экономист болып бастаған.

1997–2005 жылдары Батыс Қазақстан аумақтық мемлекеттік мүлікті және активтерді басқару комитетінің жетекші маманы, бөлім бастығы, Батыс Қазақстан облысы әкімі аппаратының бөлім меңгерушісі, Батыс Қазақстан облысы Экономика және бюджеттік жоспарлау департаментінің директоры болып жұмыс істеген.

2005–2006 жылдары — Қазақстанның Ресейдегі Сауда өкілідігінде кеңесші-экономист.

2006–2009 жылдары Маңғыстау облысы әкімінің кеңесшісі қызметін атқарған.

2009–2011 жылдары — Қазақстанның Ресейдегі Сауда өкілдігінің консультанты, орынбасары, міндетін атқарушы.

2012–2013 жылдары — Қазақстан Республикасының Премьер-Министрі орынбасарының кеңесшісі.

2013–2015 жылдары Қызылорда облысы әкімінің орынбасары қызметін атқарды, экономика, қаржы және жұмыспен қамту мәселелеріне жетекшілік етті.

2015–2017 жылдары — Нұр Отан партиясының хатшысы, «Нұр Отан» партиясының Саяси кеңесі бюросының мүшесі.^{[дереккөзі?]}

2017 жылғы желтоқсаннан бастап — Орталық сайлау комиссиясының мүшесі.

2018 жылғы ақпаннан бастап — Республикалық бюджеттің атқарылуын бақылау жөніндегі есеп комитетінің Төрайымы.

Қазақстан Республикасы Президентінің 2022 жылғы 28 қарашадағы №9 Жарлығымен Қазақстан Республикасы Жоғары аудиторлық палатасының Төрайымы болып тағайындалды.

Марапаттары

Қазақстан Республикасының Құрмет грамотасымен (2008), Құрмет (2016), Парасат (2021) ордендерімен және мерекелік медальдармен марапатталған.