Орал от құшағында

«Орал от құшағында» («Уральск в огне») — көркем фильм. 1919 ж. мамыр-шілде айында Орал қаласында болған Азамат соғысы оқиғаларына арналған.

Осы кезде қызыл армияның 22-атқыштар дивизиясы қаланы қоршаған Орал казак-орыстарының жекелеген әскери бөлімшелеріне қарсы шайқасты. Фильмді түсіруге И.Қарсақбаев, М.Бегалин, Ә.Қастеев және т.б. қатысты, басты рөлдерде Вандюшко, М.Глузский, Н.Ықтымбаев, Г.Качин, Н.Рыбников, т.б. ойнады. «Қазақфильм» киностудиясының бұл туындысы белгілі себептерге байланысты жұртшылыққа көрсетуге рұқсат етілмей, 20 жылдай арнаулы қор «сөресінде» сақталды. Тек 1992 ж. ғана теледидар экранына шықты.