Орынбор сызығы

Орынбор сызығы - Ресей империясының қазақ өлкесін отарлауды күшейтіп, әскери-басқыншылық саясатын жүзеге асыру мақсатында 1734 жылдан бастап салған құрылыстар тізбегі. Ол Орынбордан Атырауға дейін 900 км-ге созылған. Қамалдардың, алдыңғы шеп орындарының және редуттардың (топырақ жалынан жасалған бекіністер) тізбегінен тұрады. Орынбор сызығы жөнінде П.И.Рычковтың «Орынбор өлкесінің тарихы» (1730-1750) және «Орынбор губерниясының топографиясы» атты еңбектерінде толық баяндалған. Ресейдің мемлекеттік шекарасында Орынбор бас сызығы формальды түрде 1868 жылға дейін сақталды.