Павел-Игорь Иванович Шорохов

Павел-Игорь Иванович Шорохов. 1946 жылы 5 маусымда Латвия КСР Лиганта қаласында туған. Орыс. Әкесі - Шорохов Иван Степанович, жұмысшы болған. Анасы - Межмала Милда Яновна, бухгалтер болған. Н.В. Гоголь атындағы Алматы көркемсурет училищесін бітірген (1973), мүсінші. Саябақтық, монументалды, станокті мүсін жанрында жұмыс істейді, тас, қола, мыс, ағаш пайдаланады. Алматы қаласы: «Клоун», «Акробатка», «Бабыр» фонтандарының (Мемлекеттік цирктың жанында); «Заңғар» сауда үйінің жанындағы «Қоқиқаз және лотостар»; «Телеком» ғимаратының жанындағы «Ойнап жүрген балалар»; «Астаналық орталық» тұрғын кешеніндегі «Боталар», «Алма», «Тасбақалар», «Пошташы», «¥лу», «Мегалиттік санақтар»; «Нұрлы Тау» бизнес-кешеніндегі «Су себуші», «Оқушы»; «Ботаникалық бақ» шағын ауданындағы «Тасбақалар мен субұрқақ», «Алма ағашымен субұрқақ» және «Ара» мүсіндік композициялардың; қарағайлы саябақтағы «Тазшабала», Орталық саябақтағы «Барыс»; Абай атындағы МАОБТ гүл бағындағы «Балалық шақ» саябақтық композициялардың; Достық даңғылындағы «Ләйлектер», «Қазақстан» мейманханасының гүл бағындағы «Түйелер» рельефтердің; С. Шәріповтың ескерткішінің, Б. Момышұлы, Қ. Мұхамеджановтың, 3. Нұрқаділовтың және т.б. қабір тастарының; Астана қаласы: «Дөңгелек алаңцағы» «Ролик тепкен қыз», «Үйіршік», «Құстар», «Ғашықтар», «Бүлдіршін», «Түлек» және «Бірқазандар» композициялар сериясының; «Астананың триумфы» тұрғын үй кешенінің жанындағы «Самғау» мүсінінің, «Француз кварталындағы» «Сыпайы ғасыр» қос фигуралы композицияның; сонымен қоса Балқаш қаласы он мүсіндік композицияның, Талғар қаласы Т. Рысқұловқа, Б. Момышұлына арналған ескерткіштердің, Үшарал қаласы Қабанбай батырға арналған атты ескерткіш пен Д. Қонаевтің ескерткішінің, Арқалық қаласы Жәнібек-Тарханға арналған атты ескерткіштің; жүзден аса Қазақстанның көрнекті қайраткерлеріне арналған мемориалдық тақталардың (оның ішінде 40 портреттік) авторы. Республикалық, бүкілодақтық және халықаралық көрмелердің қатысушысы. Жұмыстары Қазақстан, Ресей, Германия, Австрия, Италияның мүражайларында және жекеменшік коллекцияларында қойылған. 1973-1977 жылдары - Н.В. Гоголь атындағы Алматы көркемсурет училищесінің оқытушысы. КСРО Суретшілер одағының мүшесі (1984 жылдан). Діни көзқарасы - төзімді. Қазақстанның болашағы туралы болжамы - «Жағымдылық пен прогресске үміт». Хоббиі - саяхат. Сүйіп оқитын әдебиеті - орыс классикалық, тарихи әдебиет. Үйленген. Жұбайы - Шорохова Альфира Кабировна (1950 жылы туған),кітапханашы.¥лы- Шорохов Дмитрий(1976 жылы туған); қызы - Шорохова Екатерина (1979 жылы туған).