Пашаи

Пашаи (өз атауы; пашай, лагмандар) — Ауғанстандағы (Кабул және Кунар өзендерінің салаларының таулы аңғарларында) және қазіргі Пәкістанның Хайбер-Пахтунхва провинциясындағы дард халқы. Жалпы саны 130 мың адам.

Пашаи
пашай, лагмандар
Бүкіл халықтың саны
130 000
Ең көп таралған аймақтар
Ауғанстан,  Пәкістан
Тілдері
пашай тілі, пушту
Діні
суннизм

Тілі

Олар пашай тілінде сөйлейді. Дари және пушту тілдері де кеңінен таралған.

Діні

Дінге сенушілердің діни байланысы: сүнниттік мұсылмандар.

Кәсібі

Негізгі кәсіптері – егіншілік (күріш, бидай, биязы дәнді жүгері, өзендердің төменгі ағысында – қант қамысы, бау-бақша, бақша дақылдары, бұршақ), мал шаруашылығы (қой және т.б.) бар.

Тұрмыс салты

Елді мекендері мен дәстүрлі баспаналары

Ауғанстандағы пашай қызы

Ауыл (кала) — бұрыштарында мұнаралары бар кірпіш қабырғалармен қоршалған тікбұрышты жабық аула. Таулардың баурайында үйлер террассалы түрде орналасқан. Тұрғын үй ағаштан немесе ағаш еден арқалықтары бар тастан жасалған. Арқалықтарды, тіректерді оюмен өрнектеу жиі кездеседі.

Дәстүрлі киімдері

Дәстүрлі костюм – шалбар, жейде, жеңсіз күрте. Әйелдер тізеден төмен қара түсті көйлек, бастарында тиындармен, моншақтармен безендірілген дөңгелек түсті қалпақ киеді. Көптеген моншақтар, күміс әшекейлер тағады. Әйелдер де, ерлер де былғары белбеу тағады. Еркектерге киізден жасалған қалпақ, сәлде тән.

Дәстүрлі тағамдары

Негізгі тағам – ұн және сүт тағамдары.

Сілтеме

• Ортаққорда бұған қатысты медиафайлдар бар: Пашаи