Петр Петрович Сушкин

Сушкин Петр Петрович (27.1(8.2).1868, Ресей, Тула қаласы – 17.9.1928, Кисловодск) – Ресей зоологы және зоогеографы. КСРО ғылым академиясының акадмиясы (1923), М.А. Мензбирдің шәкірті. Мәскеу университетін бітірген (1889). Харьков, Таврия университеттерінде, Ақмешіт қаласында, КСРО ғылым академиясының Геология және зоология музейінде, сол академияның физика-математика ғылымдары бөлімінде академик-хатшы (1927 – 1928) қызметін атқарған. Негізгі ғылымы жұмыстары орнитология, зоогеография, салыстырмалы анатомия және палеонтология мәселелеріне арналған. Сушкин Орталық Қазақстан мен Алтайға жіберілген бірнеше экспедицияларды басқарды. Осы экспедициялардан жинақталған бай мәліметтерді қорытындылай отырып, Қазақстанның сол өңірлерінде тіршілік ететін жыртқыш құстар мен құнақтардың жүйеленіміне толық сипаттама берді. Сондай-ақ құрлық омыртқалыларының, соның ішінде олардың ежелгі өкілдерінің (мысалы, стегоцефалдардың, т.б.) эволюциясын зерттеді.