Повеллит
Повеллит — (американ геологы Дж. Поуэлдің есімімен аталған) — молибдаттар класына жататын минерал, кальций молибдаты — Са[МоО4]. Химиялық құрамы: СаО — 28,48%, МоО3 — 71,52%, кейбір Повеллитте 10,3%-ға дейін WO3 қоспасы болады. Кристалдары тетрагондық сингонияда қалыптасады да, пластинка, дипирамида, жұлдызша тәрізді, минералдық агрегаттары жасырын кристалды, ұсақ түрлі масса түрінде түзіледі. Түсі ақ, қанық жасыл, қоңыр, сарғыш-жасыл, көк-жасыл, қызғылт-жасыл. Алмастай жылтыр, қабыршақ агрегаты құбылмалы, топырақта күңгірт, жіктілігі жетілмеген немесе болмайды. Қаттылығы Моос шкаласы бойынша 3,5; тығыздығы 4,25 — 4,52 г/см3. Ультракүлгін сәуле түскенде сары түсті жарқыл шығарады. Табиғатта молибден кентастарының тотығу аймағында түзіледі. Повеллит молибден алуда қолданылады.
Дереккөздер өңдеу
«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, VII том
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |