Пономарев Виктор Дмитриевич
Пономарев Виктор Дмитриевич (9.3.1909, Ресей, Орынбор қаласы — 15.6.1968, Алматы) — металлург-ғалым, техникалық ғылымдарының докторы (1947), профессор (1948), Қазақстан Ғылым Академиясының академигі (1962), Қазақстанның еңбегі сіңірген ғылыми қайраткері (1964).
Орал индустрия институтын (Свердловск қаласы) бітірген (1934). Орал индустрия институтында аспирант, доцент (1934 — 39), Қазақ тау-кен металлургия институтында аға оқытушы, доцент (1939 — 47), Химия ғылымдары институтында лаборатория меңгерушісі (1943 — 53), Металлургия және кен-байыту институтында директордың орынбасары (1953 — 58), ҚазҰТУ-дағылыми-педагогикалық қызметтер атқарды (1950 — 68). Пономарев сульфидтік және сульфидті-алюминатты ерітінділердің физико-химиялық қасиеттерін зерттеген. Жеңіл және сирек металдар металлургиясында жаңа технологиялық сұлба жасап, қатты фазаның еру процесі мен ерітіндіден кристалл түзілу механизмдеріне жаңа көзқарас ұсынды; маңызды гидрометаллургия процестерін жетілдіріп, алюминий өндірісінде глинозем (сарыбалшық) кентасын өңдеудің жаңа әдісін ойлап тапты.
Шығармалары: Гидрохимический способ переработки алюмосиликатов, М., 1964; Химия и технология глинозема, А.-А., 1974; Химия и технология тяжелых цв. металлов, А.-А., 1975.[1]
Дереккөздер
өңдеу- Қазақ энциклопедиясы
- ↑ Қазақстан энциклопедиясы, VII-том
| Бұл мақаланы Уикипедия сапа талаптарына лайықты болуы үшін уикилендіру қажет. |
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |