Пьезоэлектрлік резонатор

Пьезоэлектрлік резонатор — тербелістерді қоздыру үшін пьезоэлектрлік эффект пайдаланылатын резонатор. Пьезоэлектрлік резонатор негізін ұстағыштарға бекітілген және қорғаушы сауытқа салынған пьезоэлектрлік вибратор құрайды. Кристалл элементтің электродтарына периодты кернеуді бергенде, оның ішінде механикалық серпінді тербелістер пайда болады. Егер берілген кернеудің жиілігі пьезоэлектірлік вибратордың өзіндік механикалық жиіліктерінің біреуіне сәйкес келсе немесе оған жақын жатса, онда Пьезоэлектрлік резонатор арқылы өтетін токгың шұғыл өсуімен сипатталатын резонанс құбылысы пайда болады. Пьезоэлектрлік резонатордың көрсеткіштері: сапалылығы(102 — 107), жұмыстық жиіліктер жолағы (бірнеше жүздеген Гц тен 1 ГГцке дейін).

Пьезоэлектрлік резонатор тіректік жиіліктергенераторларында және жиілік бойынша басқарылатын генераторларда жиілік тағайындағыш элементтер ретінде қолданылады. Әр түрлі іріктегіш құрылғыларды (сүзгілер, жиіліктік дискриминаторлар және т.б.),сезімтал элементтерді Пьезоэлектрлік резонатор негізінде жасайды.