Раиса Кәрімқызы Мақашева

Раиса (Рапия) Кәрімқызы Мақашева (17 қараша 1920 — 13 желтоқсан 1991) — ғалым, дерматолог-венеролог, медицина ғылымының докторы (1968), профессор (1970). Қазақстанның еңбек сіңірген дәрігері (1966).

Раиса Кәрімқызы Мақашева
Туған күні	17 қараша 1920 (1920-11-17)
Туған жері	Көктерек ауылы, Мойынқұм ауданы, Жамбыл облысы, Қазақ КСР
Қайтыс болған күні	13 желтоқсан 1991 (1991-12-13) (71 жас)
Қайтыс болған жері	Алматы
Азаматтығы	КСРО→  Қазақ КСР
Ғылыми аясы	венерология мен дерматология
Жұмыс орны	АММИ ҒЗТВИ
Ғылыми дәрежесі	Медицина ғылымдарының докторы (1968)
Ғылыми атағы	профессор
Альма-матер	ҚазММИ
Марапаттары	Ленинградты қорғағаны үшін медалі

Өмірбаяны

Қазақ медицина институтын (қазіргі Қазақ ұлттық медицина университеті) бітірген. 1946 — 52 жылы Қазақстан Ұлттық Академиясының Өлкелік патология институтында кіші ғылыми қызметкер, 1952 жылдан Алматы мемлекеттік медицина институтында (қазіргі Қазақ ұлттық медицина университет) тері және венерология аурулар кафедрасының ассистенті, доценті, профессоры, меңгерушісі (1971 жылдан), 1978 — 81 ж. Қазақстан Денсаулық сақтау министрлігінің Тері-венерология ғылыми-зерттеу институтының директоры. Негізгі ғылыми еңбектері дерматология және венерология мәселелеріне арналған. Мақашева ауру тудыратын саңырауқұлақ қоздырғыштарының ауру барысында да немесе сыртқы ортада да өте тұрақты болатынын анықтады. Осының нәтижесінде ауру тудыратын әр түрлі саңырауқұлақтарға қарсы зарарсыздандыру әдісін, сондай-ақ, темекіден болатын тері ауруларынан жазылу үшін жергілікті курорттық емдердің пайдасы мен зиянын дәлелдеп берді. 2-дәрежелі Отан соғысы, Еңбек Қызыл Ту ордендерімен және медальдармен марапатталған.