Рапалло шарты (1920)

Рапалло шарты 1920 жылғы (итал. Trattato di Rapallo) — Италия мен сербтер, хорваттар, словендер корольдығы (1929 жылдан Югославия) арасындағы шекара жөніндегі шарт; 12 қаңтар Рапаллода (Rapallo, Италия) қол қойылды. Рапалло шарты бойынша Италия Далмацияны алу жөніндегі талабынан бас тартты. Екі мемлекет арасындағы шекара Соча мен Сава өздерінің су айырықтары бойынша белгіленді. Құлаған Габсбургтер империясынан бүкіл Истрия (Триест, Пуламен қоса) түгел дерлік, Опатия, Црес, Лошинь, Ластово аралдары мен Далмация жағалауындағы Палагружа Италияға берілді. Зара (Задар) порты Италия суверенитетіндегі ерікті қала деп жарияланды. Фиуме (Риека) округы бейтарап территорияның шағын бөлігімен қоса «тәуелсіз мемлекет» деп танылды. Рапалло шарты бойынша, Италияға жерінің 70%-ін славяндар мекендеген территориялар қарады. Ал Париж бітім шарты (1947) бойынша бұл территориялар (Триестен басқасы) Югославияға берілді.