Раушанбек Боранбайұлы Абсаттаров

Абсаттаров Раушанбек Боранбайұлы (1940 жылы) - философия ғылымдарының докторы, профессор, Абай атындағы Қазақ Ұлттық педагогикалық университетінің саясаттану және әлеуметтану кафедрасының меңгерушісі, 1962 жылы Т.Г.Шевченко атындағы Киев Мемлекеттік университетінің философия факультетіне түсіп, 1967 жылы бітіріп шықты. 1971 — 1988 жылдар аралығында Раушанбек әл-Фараби атындағы ҚазҰУ-дің философия және экономика факультетінде аға оқытушы, доцент қызметтерін атқарды.1991 жылдан бастап Қазақстан Республикасы Президенті жанындағы Қазақстан менеджмент, экономика және болжау институтында қызмет етті. 1997 жылдан Абай атындағы Қазақ Ұлттық педагогикалық университетінің саясаттану және әлеуметтану кафедрасының меңгерушісі, Қазақстан Республикасы Президенті Аппаратының кеңесшісі. 2000 — 2002 жылдар аралығында аталған университеттің тарих факультетінің деканы қызметін атқарды. Раушанбек еңбектерінде әлеуметтану ғылымы үшін іргелі, сонымен катар қолданбалы маңызы бар ғылыми нәтижелер алынды. Қазақстан әлеуметтанудағы ұлтаралық қатынастар мәдениетін, ұлттық сана-сезімді, ұлтаралық қатынастарды зерттеу Абсатаров есімімен байланысты. Ол Оңтүстік Корея, Түркия, Жапония, Ресей, Украина, Өзбекстан, Қырғызстан университеттеріңде лекция оқыған, шетелге танымал ғалым.

Раушанбек Қазақстанның, Украинаның Құрмет грамоталарымен, төске тағатын медальдарымен және ғылымға қосқан ерекше еңбегі ұшін "Қазақстан Республикасыньң ғылымын дамытуға сіңірген еңбегі үшін" медалімен марапатталды. Сонымен қатар,ол 2006 жылы "Жоғары оку орнының үздік оқытушысы" мемлекеттік грантының иегері атанады.Ол 8 тілде 30 монография, кітаптар, оқу құралдары, кітапшалар мен 500-ге жуық мақалалар шығарды. Солардың ішінде:

• Ұлттық қатынастардың дамуы. Алматы, 1989.
• Ұлттық процестер: ерекшеліктері мен мәселелері. Алматы, 1995.
• Ұлтаралық қатынас мәдениетін тәрбиелеу: теория және тәжірибе. Алматы, 1999.
• Әлеуметтану тестері: сұрақтары мен жауаптары. Оқу құралы. Алматы, 1999.
• Әлеуметтану. Оқу құралы. Алматы, 2003.