Раушан Елемесова

Раушан Елемесова (1942 ж. туған, Түркістан облысы, Бәйдібек ауданы Боралдай ауылы) — ғалым, экономика ғылымының докторы, профессор. Ломоносов атындағы Мәскеу мемлекеттік университетін бітірген (1969). 1972 – 1988 ж. Қарағанды мемлекеттік университетінде оқытушы, доцент, сырттай оқыту бөлімінің деканы, 1988 – 1993 ж. Қазақстан ғылым академиясының Орталық Қазақстан бөлімінде меңгеруші болып қызмет етті. 2001 жылдан әл-Фараби атындағы ҚазМУ-дың экономика факультетінің деканы. 100-ге жуық ғылыми еңбегі бар.