Рақым Тәжібайұлы

Рақым Тәжібайұлы - 1946 жылы 28 мамырда Алматы облысы Ақсу ауданы Сағабүйен ауылында туған.

Әкесі - Мұқанов Тәжібай, зейнеткер. Анасы - Мұқанова Зағипа, зейнеткер.

Республикалық эстрадалық-цирк өнері студиясын (1967); Абай атындағы Алматы мемлекеттік университетін (1997) домбыра пәнінің мұғалімі, әртіс-домбырашы, мұғалім мамандығы бойынша бітірген. Қазақ және орыс тілдерін біледі. Нұр Отан ХДП мүшесі (2003 жылдан). 1996 жылдан - «Қазақконцерт» қазақ мемлекеттік концерттік бірлестігінің домбырашысы. 1997 жылдан - Құрманғазы атындағы халық аспаптары оркестрінің жеке домбырашысы. Қазақстанның Еңбек сіңірген әртісі (1990).

Қазақстанның болашағы туралы болжамы - «Жақын жылдары дүниежүзінің алдыңғы қатарлы мемлекеті болары сөзсіз анық». Хоббиі - «Домбыра жасау өнерімен айналысамын». Сүйіп оқитын әдебиеті - «Өнер туралы кітаптар, әзіл-сықақ жанрын жақсы көремін».

Үйленген. Жұбайы - Ажаркүл, әнші, Қазақстанның Еңбек сіңірген Қайраткері. Балалары - Гүлбахрам, Гүлнар, Айнұр.